Popular Bible Verses from Ɓi Rom 3

Share

ɓooɓi jen ɓeɗ bakaaɗ, tahha po ɓa ñakiɗ kiyak ki puloh ŋ Kooh ; waaye a baahohiɗ ɓa, a onnda ɓa kiyurah, taamboh ŋ mucɗi Kiristaani Yeesu muciɗ ɓa.

Kiyurheem, Kooh onoha taamboh ŋ kos Yeesu Kiristaa. Wa ɗaa ŋ ɓooɓi kos jen, wa raakɗi talsoh

Kooh eɗoh Kiristaani giifɗoha ayrukiŋ ɗe taamboh ŋ kosi, taamboh ŋ ñif miŋ ɗe aamu ; Kooh haɓɗiɗ ineem ne a teeɓoh kiyurhiŋ ɗe ŋ muñi a muñee bakaaɗ ca ɗeɓgaan, a ɗaasohha ca. A namiɗ teeɓoh kiyurhiŋ ɗe ŋ jamanoonii : Kooh ris yurhiɗ, ali a onoh kiyurah taamboh ŋ kos Yeesu Kiristaa.

Kon ali ɓo' na ambseeɗi findi yurhiɗ ŋ tum in ci waasi nakoh. Waasi kay, wa na rime inah bakaaɗ.

Fiis ci woyiɗ ne : « Yurhiɗ raakɗi, ali yino sah ; ali ɓo' ñaañɗi, ali ɓo' waakɗi Kooh. E ɓooɓi jen faɗ waasi, ɓeɗ hun ɓa mbalaye, raakɗi yi na tume baahiɗ, yino dong sah raakɗi. »

Laam ɓoo amb ne e kos na tahe ɓo' onu kiyurah, e tumohaaɗ ci waasi nakoh haa.

Muk ! Ɓoo kay teyɗukaat ne Kooh woyoh keeh te ɓooɓi jen nikka leyoh, findi wa fiisohu an : « Ŋ ineem, Kooh, kiyurhiŋ ɗa hey hotke ŋ woo ciŋ ɗa, te ŋ ngel ciŋ ɗa jen, yaf ɓuran. »