1
Ɓi Rom 4:20-21
Yegɗohiŋ Muci
YM
Wa yahrohɗi in ŋ kosiŋ ɗe po a kee raaka liiɓ kanak ŋ gapohiŋ Kooh, waaye kay, a ɓaat ɓaat raak hatil ŋ kosi a kos, a yakiɗta Kooh. A inheen hooliɗ ne Kooh raakiɗ hatili a tumohan ini a gapoh.
Compare
Explore Ɓi Rom 4:20-21
2
Ɓi Rom 4:17
findi wa fiisohu an : « Ŋ tumiɗ ɗa caaciŋ ɓi cuuɓ laayiɗ. » Te weɗ a nik ŋ fiki Kooh yi a kos, yi na pesɗe kaaniɗ ci te a ɓeeɗkee ini nikɗi, jaar wa nik.
Explore Ɓi Rom 4:17
3
Ɓi Rom 4:25
Yeesu yeem eɗohuuɗ ne a kaan wuu bakaaɗ ciŋ ɓoo, a hultiɗuusa ne ɓoo rahas kiyurah.
Explore Ɓi Rom 4:25
4
Ɓi Rom 4:18
Ɗiski ɓo' foogɗi yaakaar, Ibrahiima raakka yaakaar nga, a kossa ini Kooh gapee ɗe, a nikka caaciŋ ɓi cuuɓ laayiɗ, findi a woyohsee wa an : « Ɓi rimkohan nga ɗa hendan ɗaa. »
Explore Ɓi Rom 4:18
5
Ɓi Rom 4:16
Weɗ tah ɓi na rahse gapohi, ɓa na rahsee wa taamboh ŋ kos, ne wa nik baahoh dong, ne gapohi min nik in wooriɗ wuu ɓi rimkoh ŋ Ibrahiima jen. Gapoheem topɗi ŋ ɓi rahas waasi, waaye wa nam nik wuu ɓi kos findi Ibrahiima, yi caaciŋ ɓoo jen
Explore Ɓi Rom 4:16
6
Ɓi Rom 4:7-8
« Ɓa neɓɗiɗ, ɓi fu inah ne ɓa ɗaasuuɗ moɗaaɗiiciŋ ɓa te bakaaɗ ciŋ ɓa moosuuɗ ! A neɓɗiɗ, ɓoyi Heɗi ambiɗɗi bakaaɗ ciŋ ɗe ! »
Explore Ɓi Rom 4:7-8
7
Ɓi Rom 4:3
ŋ ineem Fiis ci woo ye nga ? Ca woo ne : « Ibrahiima kossa Kooh, tahha po Kooh ammba ɗe ɓo' yurhiɗ. »
Explore Ɓi Rom 4:3