Popular Bible Verses from Agba 28

Share

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Kɔdɔlɔ kɔdi ukyuli ɔni mɔɔkali ɔnii uláwia bɔlɛ. Nsu bani mɔɔda lɛlɔ na lɛnunda kemmo ni, keliela kaatɛ-ma.

Ukyuli ɔdi ulábɔku bekyuli bekpidi asa na ama alati beekeli. Nsu bekyuli babuni baakya kayi aani bagyata.

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Na lɛla biala kawɔlɔkɔ ni, bekyuli baayɔ́ lɛla bɔsu bɔlɛku nwaa utulo katɔlɔ bumwi.