Kalɛ na lɛbuala lɛɛdɔ́ lɛbuala ni,
lɛni kani na ɔkpana ɔɔklibi ɔkpana.

Takun lɛmɛnɛ na kɔnaadi kadi kani mebo lɛlɔ,
ɔsika aaagyi lɛla lɛni mebo kɔnaadi.

Si ƒula ɔkpana ɔ́kya-a ɔlɛ lɛlɔ ni, ɔdia utulo
ɔni na ƒula ukisine úbakya-a kɔgbu ɔnii bɔƒianku na ɔda-a.

Kalɛ na ukyuli ɔkana na ɔnu nwuna anumi na ntu kemmo ni,
lɛni kani na ukyuli kayi keedie ukyuli umodi ɔmmɔ udu taatina.

Temwi lɛlɔ.
Ya na bekyuli bemwi-ɔ mmomu.

Si édie lɛla lɛdi álɛ ukyuli kɔnakunwi ni, ɔdia utulo
si anii aayɔ́ ukyuli na bɔbɛ kemmo.

Uleku unyeyɔne lɛlɔ liiƒí livo teetulo ɔnantu wɛɛwɛɛ
ɔni náƒɔ kadi limeyi limodi.

Popular Bible Verses from Agba 27

Free Reading Plans and Devotionals related to Agba 27