Popular Bible Verses from Agba 15

Share

Kɔnyi kulakɔ ukyuli si éboku lɛlɔ kalɔ na édie litemi kenye buɛɛ. Nsu etemila bɔtu taalɛ ukyuli ɔɔyá kɔnyi kuubo.

Si aayia Unwoti ni, ɔɔtina kalɛ na áda anu. Na lɛlɔ kalɔ buboku mɔɔtɔ asa na ɔbu ɔɔsia.

Etemila ani mɔɔyu buɛɛ aayá na ukyuli uulie ngba na ɔɔkɛ́ ɔyikun. Na unyemi ɔni mɔɔnyi ɔkɔ ɔɔdú ukyuli kɔyu.

Ukyuli kabla kɔkwɛ kɔni na ɔɔkya kuubie-nwu si ulaƒɔ kasusu na bekyuli kudɔ. Nsu si eeye bekyuli pii kasusu ni, ƒula ala aatɛ.

Kayi kani kemmo na lɛlɔyɔ lɛkya ni, kana anumi muukeye ku lɛma. Nsu ukyuli ɔni náyila lɛnunsia ni, enu aaƒɛ-nwu.

Unwoti ɔɔnu kesi kesii, na nwuna lɛnumi lɛsia bekyuli bekpidi ku babuni lɛlɔ.

Ɔdia si aayia Unwoti ina eeebo ala pii utulo si ebo lɛlakɛ na bɔnwuna buuubo-ɔ kaduli.

Ukyuli ɔni na uuubo kayi buɛɛ ɔɔkya kekpo. Nsu ukyuli ɔni na ɔ́da kayi ɔ́va kalɔ buɛɛ ni, ɔɔyala kekpo kammɔ.

Bekyuli babuni baaka kasusu buti asa na baasu lɛla lɛdi. Nsu bekyuli bekpidi ama bɔtu kani na baatu etemila teebewi.