Popular Bible Verses from Agba 13

Share

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Bekyuli bani ngyi kalɛ baada bana unyemi ni, beelie ngba gyɔlɔɔ. Na kenye bɔtu bɔlɛ ukyuli ɔɔkana na uubile lɛla biala.

Si éni na átatumini ƒula bebi ni, ɔɔtina ka alayɔ-ma. Na si aayɔ́-ma bɔdi ni, ɔlɛka enye kpakplaa na ada-ma kalɛ na ɔ́manku.

Si ukyuli ɔ́yila lɛnunsia ni, kayi keekpóku-nwu. Nsu si ƒula ala ani na eegyé kɔna taanu aasia-a ni, eenú ngba emini na lɛlɔ lɛnɔ lɛɛyɔ́-ɔ.

Ngba buni bulie buubunku ukyuli nwuna ngba emeyi kemmo ƒui. Nsu bekyuli bekpidi ama ni, bana kalala ndubɔya na bayii udu.

Lɛkɛ lɛni baasia ulu gontii lɛlɔ taakɛ liiibo bɔyii. Nsu lɛla lɛni na aakɛ́ blii blii na ulu lɛlɔ lɛɛwɔ teebu.

Bekyuli bani mɔɔtalaku lɛlɔ katɔ baakya unyeƒi pii. Na bekyuli bani muunú bɔlɛ baadá anu.

Bekyuli babuni ni, ama muusé bana bebi ku bawɔ kama. Nsu bekyuli bekpidi lɛkɛ ni, liinwíni bekyuli babuni lɛdi.

Ubi ɔni na ɔ́da anu ni, ɔɔtuna na nwuna bawɔne baatumini-nwu kalɛ na ɔ́manku. Na ɔnamu ɔni muuti lɛla biala taakya bɔƒia ni, ulenu litemi.

Ukyuli ɔni na alayɔ ka bedie-ɔ bɔƒiɔ ni, kɔwaba ku kɔƒa ndubo-ɔ buƒie. Nsu si átuna anii bédie-ɔ bɔƒiɔ ni, bekyuli ƒui badubo-ɔ bɔbu.