Popular Bible Verses from Agba 12

Share

Ukyuli ulalɛ lili si kasusu keekpóku-nwu. Na etemila ani muusé kayi aayá na lɛlɔ lɛɛƒɛnimi-nwu.

Si aayɔ́ atɛya ala ni, ɔlɛka atuna na batumini-ɔ. Kɔdɔlɔ kɔdi-ɔ si alayɔ anii bedie-ɔ bɔƒiɔ.

Bekyuli badi beedie ala taalɛ bekyuli na aatu kayi. Nsu banundane etemila aabwi bekyuli bani kayi muunú ɔlɛ.

Badɔlɔdi mɔɔkali banii baláwia ka ukyuli ɔdi ɔkya-ma kasusu. Nsu banundane beesé atu teenu bekyuli bamba bɔlɛ.

Ɔdɔlɔdi uuubo kɔnyi buti. Nsu ukyuli ɔni náda anu ni, si ina bédumi-nwu muedi ɔɔkɛ́ kayi buɛɛ.

Uleku ɔbuni ɔni lɛlɔ basia kayi ni, anwu ndi ɔgyani lɛlɔyɔ na use aani kagabwa na kebi ɔnana ɔmmɔ lili. Nsu uleku ɔni mɔɔbla kɔƒa ala ni, ɔɔƒɛ ɔgyani enu, na ɔyikun ɔɔsá-nwu.

Unwoti ukisi bekyuli bani naaadi bana linyese lɛlɔ. Na bani mɔɔbla taasiaku-mu lɛlɔ baayɔ́-nwu kaƒɔ.

Bekyuli babuni baakya bana bakpana kasusu kabuni. Nsu bekyuli bekpidi ama baatɔ́lɔ bana bakpana taatáyila.

Litemi geen liláyii udu uwi ɔdi kudii. Na likpidi lɛnɔ liiibo keyi bɔlɛ.