Popular Bible Verses from Yesaia 40

Share

Anwu mɔɔsɔku ɔlɔkplu teete bekyuli bani na lɛlɔ lítu na bese kpɛtɛ kpɛtɛ.

Bakloƒu ku begblebi muedi lɛlɔ liitú-ma na baabla kpɛtɛ kpɛtɛ na baagbánta teebuli. Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Bɛɛɛgyi na bítenu dii lɛnɔ ka Unwoti ndi Katɔti ɔni nli usela uwi ƒui, na anwu nédie kayawi ku kana kemmo ala ƒui? Lɛlɔ liletu-nwu kudii na ukyuli ɔdi lɛnɔ ulakana-nwu kasusu bɔkɔku bɔnu kalɛ na kese.

Ukyuli ɔdi ɔkɛ ɔɔva na ketele kalɔ kakwiidi kemmo ɔnini, ‘Bɛklibi ulu bise bite Blɔti, na binyene ulu ɔmmɔ na kalɔ kakwiidi kammɔ kemmo, na bɛbla ulu unengudi bite Katɔti.

Livo lɛɛyɛyɛ na anwula aanú, nsu Katɔti litemi ani lise lite uwi ƒui.’ ”

Na Unwoti ɔni muukeye ni, ɔdubɔda ɔlɛ kayaa na ukyuli biala ɔdubɔnu-nwu nwaa.’ ” Lɛni na Unwoti ɔlati ɔ́su!

Biyile lɛbonka na bɛbwɛ abinkpo ƒui na atɛ kalɔ. Na kesii kani nse kpukplo kpukplo ni, bɛbla na ɔbla suɛlɛ suɛlɛ.

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Anwu ɔni nédie kayawi ni, uli nwuna lɛgaboku lɛlɔ na ɔɔdi kayawi bekyuli ƒui lɛlɔ ɔ́ka ɔ́mana ɔ́si kayaa katɔ katɔ ƒui. Údie kayaa kammɔ na kebi bekyuli lɛlɔ na bakya-nwu kemmo aani kɔdi kevo bonwu, na ɔɔnu-ma teemene aani bakpɔtilikpɔ.

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Lɛdi lɛdi lɛ́su-mi lɛnini, “Va momoomo na atɛmi.” Amu na líye nnini, “Bi na nva nsu?” Lɛdi lɛmmɔ lɛ́su lɛnini, “Su anii, ‘Bekyuli ƒui bese aani lɛku kemmo alakpi, na ukyuli bɔdia buse aani alakpi anwula. Alakpi aayɛyɛ na anwula aanú. Ɔsika Unwoti ɔ́ya na ɔƒɛƒɛɛ úkpo ɔ́vi-ni lɛlɔ.

Bɛnu, Unwoti Ɔyikune Ƒui ɔ́si ɔdubo ubadi bekyuli lɛlɔ ku nwuna ɔyikun bonwu. Bɛnu, ɔdanku lɛyuƒɔla ku kɔnu bɔsia etela úboku bekyuli.

Katɔti ɔnini, “Sia mina bekyuli kɔnu.

Ɔma ndubɔkana na ɔkɔku ɛpu ntu bumomo ku bɔgyu na nwuna lɛkɔkɔ iye unene kayaa ku nwuna enu na ɔti kana bune? Ɔma ndubɔkana na ɔsala kalɔ kamɛni lɛti uwi kagyigyɛ kemmo? Na ɔma ndubɔkana na uti abi ku abinkpo ɔsia unu lɛkɔkula lɛlɔ, na ɔti-nya unu? Ɔma nénu Unwoti kasusu kalɔ dii iye ɔma ndi nwuna kasusu utene ɔni nákya-nwu kakwɛ? Ɔma na Unwoti úye ɔnii ɔtina-nwu lɛla lɛdi asa na ɔ́ti. Na ɔma nátina-nwu kesii kani na ɔsia? Ɔma néte-nwu lɛlati iye ɔ́tina-nwu ulu ɔni na ɔsia unu ala kalɔ?