Popular Bible Verses from Yesaia 41

Share

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Ami ndi bina Unwoti Katɔti ɔni nda-mii kɔnu anwuɔsu bitayia, ɔsika nnye-mii kudɔ ka libunku-mii.

“Ukyuli biala na uukisi-mii na ɔ́ta unye-mii lɛlɔ ka ukpo-mii ni, kɔƒa kɔdubo-nwu bukpo na ɔyii udu.

Lɛ́kpanku-mii lɛ́siku kalɔ ɔgyu na kana kɔkunɔ ƒui líboku mɛni na lɛ́su-mii nnini, ‘Amii ndi mina kabla bablane baƒunadi na ńteni-mii.’

Na bɛsɔ bilanu bina bekisine badi na kesii kadi, ɔsika badubɔyii udu ƒui na basa na kalɔ kammɔ lɛlɔ.

Amii Israel kadi bekyuli, bɛda lɛlɔ bukpoku bɛya ina bekyuli baanu-mii aani liklubi iye biiimomo na bɛɛɛdi lɛla lɛdi. Amii ndi Israel Katɔti kedee ɔni mɔɔgyumana-mii na mɔɔƒɔ́-mii ngba.

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Ndubɔya na ntukpa bɔlɛ bɔsi abi eli na bɔgba butéyi ɔkwalɛ ɔmmɔ ƒui. Na kalɔ kakwiidi kani na kaládia lɛla lɛdi kadubɔlɛ abiɔ na unwini lɛba muedi.

“Uwi ɔni na bawabane ku bani na bese kpɛtɛ kpɛtɛ beekpi utukwɛ na balakɛ ntu na bani ni, ami Unwoti Israel Katɔti ndubo na mbedie-ma na naaayiƒala-ma kudii.

Ɔma mɔɔyá na ala amɛni aalɛ́ na ɔɔnu ana bɔlɛ lɛlɔ na kaba kaba bekyuli akɔ ɔ́si kalɔ kesekɔ útédu kawɔlɔkɔ? Ami Unwoti na ɔdi! Ami nli asa na lɛla biala lɛdubuse kalɔ na ndubo bulie na lɛla biala libo kawɔlɔkɔ.”

Na ndubɔya na egyii enengudi ani na ebo ɔkplu lidu lidu aƒɔ ketele kalɔ kakwiidi kammɔ kemmo ƒui aani Sida ku akasia ku abambadi udu. Na bekyuli ƒui badubɔnu ɔmɛni na bati na ɔbla-ma nwaa ka ami Israel Unwoti Katɔti kedee nédie ala amɛni ƒui.”