Popular Bible Verses from Etemila 5

Share

Da ƒula kenye na ati bɔtɛmi na Katɔti anumi. Na tese-nwu kenye kadi asa na abla kasusu asiku lɛla lɛmmɔ lɛlɔ. Ɔsika katɔ na Katɔti ulie na awɔ akya kalɔ mɛni anwuɔsu na akɔsi bɔtɛmi.

Ɔƒɛni si ukyuli ɔdi ubo lɛlakɛ na limomo-nwu, na ɔɔdi na ɔɔní taakɛ lɛlɔyɔ ni, unye nwuna kabla lɛlɔ ku ebiti, ɔsika Katɔti néte-nwu-ni.

Ukyuli ɔni mbo egulabi ku akɛla bɔyɔ ni, sika ulemo-nwu na akɛla lɛnɔ alabɔ-nwu. Nsu ɔmɛni ƒui use aani kalɛ na baabi taasiaku ɔƒɛƒɛɛ.

Ti lɛlɔ bɔda si éduo Katɔti kakpakɔ. Na esie atábla kpoo na ese atu enu ala na tababla asu ka atábla akpala aani ɔdɔlɔdi kalɛ na alati anii adaku Katɔti bɔƒiɔ.

Si ánu ka ése Katɔti kenye kadi ni, taya na uwi utu-ka lɛlɔ. Babla na abla linyese lɛmmɔ lɛlɔ ete-nwu, ɔsika kaƒɔ kalayɔ-nwu na kɔdɔlɔ ala bɔbla lɛlɔ.

Ɔdia si étese Katɔti kenye kadi utulo ka ese-nwu kenye na aladi-ka lɛlɔ.

Ukyuli bamba kabla ɔblane ni, lɛlɛɛ lɛɛyu-nwu ina útakɛ lɛla bonwu lɛdi útadi. Nsu ɔlakɛne ala pii ani na ubo ɔsu ni, lɛlɛɛ línwini-nwu etila.

Kasɔngya na ukyuli ɔɔlɛ́ taasi uni kaƒɔ kemmo. Na kalɛ na ɔkɛ úbo ni, lɛni kani na ɔdubɔsɔ unwini ɔtɔlɔ. Na ɔɔɔdubo lɛla lɛdi buti bɔda bɔtɔlɔku.