Popular Bible Verses from Etemila 4

Share

Nkyuli inyɔ kelie kadia ketulo ukyuli unwi. Ɔsika lɛlɔ lɛdubɔyɔ-ma si bása baadi lɛla lɛni na bákɛ. Ɔƒɛni si ɔdi nébuli ni, ɔkpanadi ɔdubo-nwu bubunku na ɔta. Nsu si anwu lɛti kani na ɔdi ni, nwuna bɔta bɔdubo-nwu bude.

Baakana na badi ukyuli unwi lɛlɔ si biikpó. Nsu si bibo inyɔ ni, bɛdubɔsala na bɛdi lɛlɔ. Anwuɔsu baasu banii kabuli kani na bámii básala ɛtɛ ni, kalatuna bukulo pla.

Na si badi inyɔ na báyu bátɛ ni, bana lɛlɔ ogya ɔdubɔƒɔ ɔda-ma gugungu. Nsu si awɔ ukyuli unwi na ɔdi ntɛ ni, dɛ na adubɔƒɔ ogya ada lɛlɔ gugungu?

Lɛdilabɔ blii lɛni na ákɛ ádi ku atu bɔyɔ ni, ɔdia utulo si étésusu lɛlɔ na ému-nya ada na use aani kalɛ na baabi taasiaku ɔƒɛƒɛɛ.

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Si adi okloƒu ɔwabane na áda anu ni, ɔdia ƒui utulo ɔga ɔdɔlɔdi ɔni na ulie na ulaƒɔ bekyuli kasusu.