Popular Bible Verses from Lɛkpa Ulu 5

Share

Bu ƒula ɔti ku ƒ'ini aani kalɛ na ami bina Unwoti líbo-mii ɔda na adubulie ngba gyɔlɔɔ na keyi kadubɔyɔku-ɔ na kalɔ kani na líti muute-ɔ lɛlɔ.

Bɛdi-mu lɛlɔ ƒui kalɛ na lɛla biala bɛdubɔbla lɛtɛ lite-mii na keyi kadubɔyɔku-mii na bilie ngba gyɔlɔɔ na kalɔ kani lɛlɔ bísela bitélie mmɔ.

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo. Na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ. Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Bitese benwoti badi bitebunku-mi lɛlɔ.

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Si lɛni na bekyuli bamɛni badubutaabla na beteeti ɔbu teete-mi na bataadi mina ɔda bubo ƒui lɛlɔ ni, lɛla biala lɛdubuteesie kaduɛ teete-ma, ama ku bana kaba bekyuli ƒui, ɔ́si ɔƒɛni úsela uwi ƒui.”

Se lɛnwunameyi likpo na abla-ni kedee, aani kalɛ na ami ɔni ndi bina Unwoti Katɔti líbo-mii ɔda.

Taya anumi egyie-ɔ-na ƒula ukyulikpana ulekudi iye nwuna kaduli iye nwuna kabla ɔblane iye nwuna kalɔ iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ!”

Tadi kɔsɔnɔ.

Tada ukyuli ɔdi kenye.

Tadu ukyuli.

Teyu.

Na ɔlɛka binyimo ka uwi ɔni návi kemmo ni, bɛdi bekyuli bani na bénye-mii lɛlɔ ka bitaabla kabla teete-ma. Na ami ɔni ndi bina Unwoti Katɔti néti mina ɔyikun bonwu ku ɔlɔkplu kpakplaa na lídie-mii lɛ́lɛku mmɔ. Ɔmɛni ɔsu na muubó-mii ɔda ka bitabla kabla kadi lɛnwunameyi lɛlɔ.

Emeyi aku na ɔlɛka eti abla ƒula kabla. Nsu limeyi maatɛdi ndi ami Unwoti ƒula Katɔti Lɛnwunameyi lɛni kemmo na útalɛ ka abla kabla kadi, awɔ iye ƒula bebi iye ƒula kabla bablane iye ƒula bebuo iye baƒɔ bani nkya-a kudɔ babla kabla kadi. Na útalɛka bekyuli bani mɔɔbla kabla teete-ɔ babla kabla kadi lɛnwunameyi lɛmmɔ lɛlɔ aani kalɛ na awɔ lɛnɔ alábla kabla kadi.

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.