Popular Bible Verses from Lɛkpa Ulu 4

Share

Nsu si bɛdubuti bina kayi ƒui bɛwia Unwoti Katɔti kama ulu na kesii kani na bɛkya mmɔ ni, bɛdubɔnu-nwu.

Ɔsika Katɔti ubo lɛƒɔndia na ulada-mii ulanyonu iye ɔyila-mii udu na ulayiƒala bunyimi bɔni na anwu ɔlati únyimi ku bina bati kuuku.

Ɔsika si bɛ́bla lɛni ni, bina Unwoti Katɔti ɔdubuti kɔnyi. Ɔsika uukpó kogyulo na use aani Ogya na ɔkana na ɔkyula-mii.

Nsu uwi ɔni na bilie ngba mɛni ni, binye kagyumana uwi biala kemmo kalɛ na bilayiƒala ɔda bubo bɔmmɔ. Na ala ani ƒui na bíti bina anumi bɛ́nu ni, biti bɛsu bina bebi ku bina bawɔ.

Anwuɔsu bɛti nwaa ka Unwoti lɛti ndi katɔ ku kalɔ Ɔti. Na ɔdi biala ɔsɔ uuubo.

Na kadi bekyuli badi beeebo ɔni na bana baƒiɔ bede-ma aani kalɛ na bula Unwoti Katɔti ude-bu mɛni na ɔɔtuna teete-bu si bɔ́kpali-nwu.

Na si bíduo bukpoku bɔdi kemmo na ala amɛni aalɛ́ku-mii ni, mmɔ na bɛdubunwini bisie Unwoti kudɔ na binu nwuna litemi.

Na biteti ɔda bubo bɔbambadi bɔdi bitebunku ɔda bubo bɔmɛni lɛlɔ. Iye bitada ɔdi bitedie lɛnɔ. Mmomu bɛdi Unwoti ɔni ndi bina Katɔti ɔda bubo bɔni líti muute-mii mɛni lɛlɔ.