Popular Bible Verses from Lɛkpa Ulu 6

Share

Anwuɔsu ɔlɛka bɛyɔ-nwu ku bina kayi ƒui ku bina kɔyu ƒui ku bina ɔyikun ƒui.

Biti ɔda bubo bɔmmɔ bitaatina bina bebi kaduɛ uwi ndi uwi. Na bitaatɛmi-mu lɛlɔ si bɛkya kaduli iye bɛkɛ bísela kesii kadi iye si bilie bɛɛnwuna iye si bɛkya bina kabla akɔ.

Na bɛda ɔda bubo bɔni líti muute-mii ɔmwi kadi kamɛni lɛlɔ kaduɛ na bina kayi kemmo.

Israelƒuɔ, binu kaduɛ! Unwoti ndi bula Katɔti, na anwu lɛti pɛ kani nkya.

Binweni-mu bɛsia lɛla lɛdi lɛlɔ na binyimi-mu bɛda bina enu ku atɛntɛ lɛlɔ aani linyimola.

Na binweni-mu bɛmana bina lɛtɔ kɔyaku eli ku kɔduli ɔban kɔyakun.

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Bina Unwoti Katɔti ɔdubuti-mii ubeduoku kalɔ kani na ɔ́su úse ka weti wete bina bati kuuku bani ndi Abraham ku Isak ku Yakob ku amii lɛnɔ. Kalɔ kammɔ ni, lɛma libendi lɛkya-ka kemmo ku ala ani náƒɔ kuye na ɔɔɔdi amii alati náda lɛma lɛmmɔ. Na ala abuni éyi lɛtɔ lɛmmɔ kemmo ɔni na ɔɔɔdi amii náwia ala ammɔ bɛ́kya-ni kemmo ku abiɔ ani na ɔɔɔdi amii néku ku mmo bɔni na ɔɔɔdi amii nátuma-mu ku nnɔ egyii ani na ɔɔɔdi amii nálɛ-nya. Na si bɛ́di na bímo ni, bɛnu kaduɛ kalɛ na bina kasusu kalálɛ bina Unwoti ɔni náda-mii údie Egyipte kalɔ lɛlɔ kesii kani nka bénye-mii lɛlɔ na bɛɛbla-ma kabla mmɔ.

Ɔda bubo bɔmɛni na bina Unwoti Katɔti úti úte-mi ka ntina-mii. Na bɛdi-mu lɛlɔ na kalɔ kani na bɛdubo Yordan Ketu bɔvia na bitéti binwini bina kadikɔ mmɔ lɛlɔ. Na bina ngba bulie uwi ƒui ni, bɛnu ka amii ku bina bebi ku bawɔ bíti ɔbu bíte bina Unwoti Katɔti. Na bɛ́di nwuna ɔda bubo bɔni ƒui líti muute-mii mɛni, lɛlɔ kalɛ na bilie kalɔ kammɔ lɛlɔ bitu uwi.

Na bɛbla ala ani nse siin na adia na Katɔti anumi kalɛ na lɛla biala lisie siin lite-mii. Na bɛkana na bisie bitéti kalɔ kabuni kani na Unwoti úse kenye úse ka weti-ka wete bina bati kuuku mmɔ binwini bina kadikɔ.

Na si bɛ́yu atuɔkplu na bɛkya bɛɛkpá baƒiɔ bammɔ badi ni, Katɔti kɔnyi kɔdubo-mii lɛlɔ aani ogya na ɔdubɔkyula-mii na ɔyila bina udu ƒui ɔlɛku kalɔ kammɔ lɛlɔ. Ɔsika Bina Katɔti ɔdi Katɔti ɔni muukpó kogyulo.

Na bitakpa bekyuli bani nli amadɔ mmɔ baƒiɔ badi betebunku-nwu lɛlɔ.

Na ɔdi utakɔku bina Unwoti Katɔti utanu aani kalɛ na bɛ́kɔku-nwu bɛnu na kesii kani baalɔ banii Masa mmɔ.