Popular Bible Verses from Lɛkpa Ulu 10

Share

Lɛla lɛni na Katɔti ɔɔwia ɔsiku bina kudɔ ndi ka biti ɔbu bite-nwu na bɛsia nwuna ulu ɔni na ɔ́tina-mii na bɛyɔ-nwu ku bina kayi ƒui ku bina kɔyu ƒui. Na bɛdi nwuna ɔda bubo bɔni na líti muute-mii mɛni ƒui lɛlɔ. Na si bɛ́bla lɛni ni, lɛla biala lɛdubɔtɛ lite-mii.

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Anwuɔsu bɛda likpidi biala bidie bina kayi kemmo na bɛda atuɔkplu bɔbla bɛya.

Na ɔdi-nwu lɛyɔla ka bekpinebi ku bekpinele baakɛ́ bana kadikɔ. Na ɔɔyɔ́ baƒɔ litemi na uute-ma adila ku adala.

Biteemwi-nwu uwi ndi uwi, ɔsika ɔdi bina Unwoti Katɔti. Na bina ɔdi biala ɔ́nu ku nwuna lɛnumi ala ebendi ani na ɔ́bla úte-mii ku ani mɔɔda liƒu.

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Bɛti nwaa ka ala ani ƒui nkya kayawi kemmo ni, adi bina Unwoti Katɔti adi. Na kayaa ku ala ani ƒui nkya-ka kemmo lɛnɔ adi nwuna adi.

Anwuɔsu amii lɛnɔ bidie bina bɔyɔ bɛtina baƒɔ bammɔ. Ɔsika amii lɛnɔ bɛ́ɛbla baƒɔ dii na Egyipte kalɔ lɛlɔ.