Popular Bible Verses from Lɛkpa Ulu 11

Share

Na bɛya na bina bebi batɛya ɔda bubo bɔmmɔ. Na si bɛkya kaduli iye bɛkɛ ulu bísela kesii kadi iye bilie bɛɛnwuna iye bɛkya bɛɛbla kabla kadi ni, biti ɔda bubo bɔmmɔ binwini bina kɔtɛ kɔni na bɛɛtɛmi.

Bɛtɛya ɔda bubo etemila ammɔ bɛkya bina lili kemmo na biteeti-nya lɛlɔ kasusu. Na binweni-nya bɛsia kɔkunkɛ lɛlɔ na bibo bɛda bina enu ku atɛntɛ. Na si bɛ́bla lɛni ni, ɔdububunku-mii na bitaadi ɔda bubo bɔmmɔ lɛlɔ.

Anwuɔsu bɛdi ɔda bubo bɔni mɔɔsu-mii ɔmwi kadi mɛni lɛlɔ nnii bɛyɔ bina Unwoti Katɔti na biti bina kayi ƒui bitaakpa-nwu. Na si bɛɛdi ɔda bubo bɔmmɔ lɛlɔ ni, Unwoti Katɔti ɔdubɔya na ɔnantu utaana kaƒɛndi ku ketudi na bilayaki edula aani antabi ku ntɛ ku nnɔ.

Bɛyɔ bina Unwoti Katɔti na bitaadi nwuna litemi lɛlɔ uwi ndi uwi.

Bɛnu! Nda kusɛ kusɛ ku ewida mɔɔvá-mi anumi ɔmwi kadi. Bidie ɔni na bɛɛyɔ́. Kusɛ kusɛ ɔdubɔsiaku-mii si bɛɛdi bina Unwoti Katɔti ɔda bubo bɔni na líti muute-mii ɔmwi kadi mɛni lɛlɔ. Nsu ewida adubɔsiaku-mii si bɛ́lɛ-nwu kama na bísie bɛɛkpá baƒiɔ bani na bɛɛɛgyi kudii.

Na binweni ɔda bubo bɔmmɔ bɛmana bina lɛtɔ kɔyakun ku kɔduli kɔyakun anumi. Na ɔmɛni ndubɔya na kalɔ kani na bina Unwoti Katɔti úse kenye ka weti wete bina bati kuuku ni, amii ku bina bebi bɛdubulie-ka lɛlɔ bítu uwi aani kalɛ na kayaa kammɔ kebi kalɔ lɛlɔ késela uwi ƒui.

Na bitaya na ukyuli ɔdi ɔtɔlɔ-mii na bɛlɛ bina Unwoti kama na bitákpa baƒiɔ badi.