Popular Bible Verses from KOLOSE 3

Share

Ke fakatau fesoasoani koutou i a koutou eiloa, ke fakatau fakamagalo foki koutou i a koutou eiloa, manafai e isi se mea e se malie ei te sua tino ki te sua tino. E pela mo te Aliki ko oti ne fakamagalo ne ia koutou, e 'tau foki mo koutou o fakatau fakamagalo.

Ke tukutonu otou mafaufau ki mea faka te lagi, kae se ki mea faka te lalolagi.

So se galuega e fai ne koutou, ke fai mo te loto katoatoa, e pela eiloa me tavini atu koutou ki te Aliki kae se ki tino.

A koutou ne kelisiano kola ne alofagina kae filifilia ne te Atua mō ia, tela la e 'tau mo koutou o taofi mau ki te alofa, te kaimalie, te loto malalo, te agamalu, mo te loto kufaki.

Ke tupu ola te muna a Keliso i a koutou, manafai e akoako atu io me polopoloki atu koutou ki se tino i poto valevale, ke pena foki manafai e 'pese atu koutou i te loto fakafetai ki te Atua i salamo, mo pese mo kupu faka te Agaga. So se mea a koutou e fai i muna me ko faiga, ke fai ne koutou a mea katoa i te igoa o te Aliki ko Iesu, i te siki atu o 'talo fakafetai ki te Atua te Tamana e alatu i a ia.

Kae sili i mea katoa konei, taofi mau koutou ki te alofa, tela e fusi fakatasi ei ne ia a mea katoa ke 'lei.

Tela la, kafai ko oti ne faka'tu ake fakatasi koutou mo Keliso, salasala ki mea kola i te lagi me i a Keliso e nofo i kona i te feitu fakaatamai o te Atua, tela ko te feitu taua.

Ke pule i otou loto te filemu o Keliso, me ko ia tena ne ana kalagagina koutou i te foitino e tasi, ke maua foki ne koutou te loto fakafetai.

Fakagata a uiga faka te lalolagi i loto i a koutou, e penei mo mea konei: te fina lalolagi, ko te amio se 'ma, ko manakoga masei, ko te kaimanako, me i te kaimanako ko te ifo ki tupua tena.

Me i a koutou ne 'mate, ka ko otou ola ko faka'lafi fakatasi mo Keliso i te Atua.

Kae nei, ka tuku katoa keatea a mea konei mai i a koutou: ko te ita, ko te kaitaua, ko te loto masei, ko te faitala loi, mo te muna masei mai i otou gutu.

Ke se loi te sua tino ki te sua tino, i te mea ko oti ne tuku keatea ne koutou a te natula mua mo ana faiga, ka ko oti ne fakapei ki luga i a koutou a te natula fou, tela ko oti ne fakafou i te poto i foliga o ia tela ne faite ne ia a mea katoa.

Tagata, e 'tau mo koutou o alofa ki otou avaga, kae sa fakasaua ki ei.

Tamaliki, e 'tau mo koutou o faka'logo ki otou matua i mea katoa, me se mea fakafiafia loto tena ki te Aliki.

Fafine, e 'tau mo koutou o faka'logo ki otou avaga i ala 'tau katoa i te Aliki.