Popular Bible Verses from Osọha lẹ 22

Share

OKLUNỌ lọ sọ hùn onù kẹtẹkẹtẹ lọ tọn, e bo sọ dọ hlan Balaami domọ, Etẹ wẹ yẹn wa do we, bọ hiẹ ko do linú mi whla atọ̀n helẹ?

Whenẹnu wẹ OKLUNỌ lọ hùn nukun Balaami tọn lẹ, e bo sọ mọ angẹli OKLUNỌ tọn lọ ṣite to aliho lọ ji po ohi etọn po dindọnsún to alọ etọn mẹ: é sọ dé ota etọn dodò, bọ họ́ jẹ nukunmẹ etọn ji.

Angẹli OKLUNỌ tọn lọ sọ dọ hlan ẹn dọmọ, Etẹwutu wẹ hiẹ linú kẹtẹkẹtẹ towe whla atọ̀n helẹ? dayi e go, yẹn jẹgbonu wá na mẹglatọ de, na aliho towe sọkòdò to nukọn ṣie wutu

Kẹtẹkẹtẹ lọ sọ dọ hlan Balaami dọmọ, Kẹtekẹtẹ towe ma wẹ yẹn he ji hiẹ ko nọ hẹ to ogbẹ̀ towe lẹpo me jẹ azán he gbè? bé yẹn ko nọ jlo wà mọ hlan we dai? Ewọ sọ dọmọ, Lala.

Balaami sọ dọ hlan kẹtẹkẹtẹ lọ dọmọ, Na hiẹ ko vlẹ mi wutu wẹ: Yẹn jlo dọ ohí de do ko tin to alọ ṣie mẹ, na yẹn do ko hù we dinvie.

Kẹtẹkẹtẹ lọ sọ mọ angẹli OKLUNỌ tọn lọ, é bo sọ pavava to Balaami glọ: yè sọ hẹn homẹgble Balaami tọn jimiyọn, é yí opò etọn do hò e