Popular Bible Verses from Osọha lẹ 21

Share

OKLUNỌ LỌ sọ dọ hlan Moṣe dọmọ, Basi odàn miyọnnọ de na dewe, bo zé e do atin de ji: é nasọ wá jọ, dọ omẹ he odàn hẹnadú dopodopo whenuena é mọ ẹn, na nò ogbẹ́.

Moṣe sọ basi odàn ogàn vẹ tọn de, bò yí i do atin lọ ji: é sọ wà jọ, dọ eyín odàn de hẹnadú omẹ depope whenuena é pọ́n hlan odàn ogànvẹ̃ tọn lọ de, é gán.

Gbẹtọ lẹ lọ sọ to hódọ do Jiwheyẹwhe go, podọ do Moṣe gó dọmọ, Etẹwutu wẹ mìwlẹ ko hẹn mí hẹ́ji sọn Egipti mẹ wá nado kú to zùngbo lọ mẹ? na akla de ma tin, osìn de ma sọ tin; podọ alindọn mítọn hòwán akla madota he.

OKLUNỌ lọ sọ do odàn miyonnọ lẹ hlan gbẹtọ lẹ lọ ṣẹnṣẹn, yé sọ hẹnadú gbẹtọ lẹ lọ, omẹ Islaeli tọn susu sọ kú.

Gbẹtọ lẹ lọ sọ wá Moṣe de, bo dọmọ, Mí ko wáylando, na mí ko dọhó do OKLUNỌ lọ go wutu, podọ do ogo we; hodẹ̀ hlan OKLUNỌ lọ, na é nido dè odàn lẹ lọ sọn mí de. Mọse sọ hodẹ̀ ná gbẹtọ lẹ lọ.