Popular Bible Verses from Mɨlʉmlʉ 2

Share

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

Bɨbɛh, bé a be ó, bé mu lwɨŋla e Mbɨambɨa Sisim. Bé ntɔʼ taare lé elwib bɨlwib bɨfih, byaa Sisim waa, wé a dwe be nkul ó, bé lwibɨ ɨ.

Cye e cye yaa, bwaʼbwaʼ duu ze duho é jobo kʉ, nwɨɨla e duu nkuo lé ekuulo e nkul ɨ. Yé a si dibe mbɛr waa wiwɛh, gumo bɨbɛh, bé a be ondindil ɨ. Bé ka dwɛʼ nɛʼɛ, bé bee ó, byʉʉ bɨsɔʼɔ, nwɨɨla e bwa mɨnjʉl mɨ siʼe. Byé ntɔʼ myɛma, to le ecyɛb bɨbɛh é mɨlʉ kʉ. Bɨbɛh, bé a be ó, bé mu lwɨŋla e Mbɨambɨa Sisim. Bé ntɔʼ taare lé elwib bɨlwib bɨfih, byaa Sisim waa, wé a dwe be nkul ó, bé lwibɨ ɨ.

É dobo lɨlɛh, bé a si to dolo lé egwɨhla é jahla bii mo Zyɛm tʉŋlʉ. Go ó, é mɨmbɛr myɔɔ, bé a be-be ó lé epɛ̂ʼla bler, le edeŋɔ mode mɔɔ, mɨleme myɔɔ, myé osi loŋlo e bɨsʉhʉ byé a duho be é mɨmo si ɨ. Bé a be ó lé edwe Zyɛm kum. Bʉr bɨbɛh, bé a be ó lé eseʼle be. É dobo lɨlɛh, Da a be ó lé edwe bʉr tiʼ molu mo mpoʼ mɨmɛh, le eko be é mbɛr Zyɛm wɔɔ.

“Zyɛm a lɛɛ ó: ‘É molu mé ófuʼla ɛ, me ólomlo bʉr bɨbɛh Mbɨambɨa Sisim. Nye óbe ó, é be. Bwa o bʉba le bwa o bʉrʉm bɨn, bé ógwih mɨlɔb myam. Mɨsoho min, myé óbee mɨfela bɨsɔʼɔ. Mɨnjʉ̌m min, myé ójɨm bɨlima.

Obuʼla bɨbɛh, bé a ka sa ó, sama gwar; baʼlɔ-baʼlɔ mobi mɔɔ zyɛŋa. Bé a si bɛma mosi mɔɔ ndwe e mobi mɔɔ, ze kablɔ bɨmɔn bɨ tɨʼ paʼra wɔɔ, mʉr nyiwɛh nʉa-nʉa bim lé ejala e nye e.

É jɔʼ yaa, mʉr nyiwɛh ósa mɨnjwɨʼla é die mo Da ɛ, nye óbi tiʼ molu mo mpoʼ mɨmɛh.’”

Myɛn dobo, wé ólihba edurʉ. Alomo óbe ó é zʉʉŋ mpʉ motié. Bɨsa byaa, byé óbɛa syɛɛ ó, dobo le etiʼ e mɨlɔb mo Da Zyɛm, lé l'apa pyal. Moho waa, wé óbe ó moho nɨnɨ le moho kum.