Popular Bible Verses from Mɨlʉmlʉ 1

Share

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

Yesʉs ntɔʼ bɨha e be ó: «Bɨn bé ajala le egʉa bɨjɔʼ le mɨmbu Sɔŋ wam ósa bɨsyɛɛla bye tɨʼ ɨ. Nye ó b'a cyel bɨjɔʼ byaa e nkul we nye mʉr tɨ.

Guu moho é jɔʼ bé e boo nɔɔ, bé a be lé ede e, nye a si cyel be mpene ó: «Apʉʼa ga Yerʉsalɛm, to jaabe. Bɨn bé à bono sa Sɔŋ wam a kɛʼ bɨn ɨ. Yé ó sa me a lɛɛ bɨn ɨ, ebe, Yʉanes a dù-dù bʉr ó e modibe. Yi liʼ njɨ bwa molu abuo, bɨn bɛɛ, bé ónʉa ndubo ó, é Mbɨambɨa Sisim.»

É jɔʼ nye a be si sia e mɨtuu ɨ, nye a si lɛʼle mɨlʉmlʉ mye bɨsyɛɛla ndwe e bɨdweʼle é buobuo, lé elɛʼle mye ó, nye a kʉ be ó kublakubla. É molu mowʉm monâ, bé e boo nɔɔ ó b'a be-be e, nye a be ó lé elɛɛ-lɛɛ be mɨlɔb mɨ jwɨ̀ʼa mo Zyɛm.

Jɔʼ Yesʉs a sil lɛɛ mɨlɔb myaa ɛ, nye ze bɨnɔ é jobo kʉ é mih mɔɔ. Mɨnkur ze buuro nye. Nye ntɔʼ dim be é mih.

Ngbaa le eka be, bé dina lé edwɛʼ kʉ é tʉʉʉŋ, lé ebee mpʉ Yesʉs a be lé eto nɛʼɛ, bé ka twɨra ó, bʉrʉm oba e mɨkan é pan-pan é pumo-pumo, bɨ pyal be! Bʉr baa ntɔʼ lɛɛ e be ó: «Bʉr o Galɨle ee! Ebe yé bɨn lé ecyɛb naa, lé edwɛʼ jobo kʉ ɨ? Yesʉs, mʉr pɛʼɔ é l'esama lɨn ɨ, nye óbula ze ó, mbi ngwar e ngwar bɨn bee nye lé ebere é jobo kʉ nɨ.»