Popular Bible Verses from Yosua 6

Share

Omwaami yaboolera Yosua ati, “Bulaanu buti ndi ohuhudiisa Yeriko mu mahono kao, alala neende abatuki basyo boosi haandi neende ab'amaye basyo balulu.

Mani boobba ekono lala eleeyi muno. Nimuliwuliraho sa muti, ni abaandu boosi batulaniramo ohuubba olwuungu lulala, mani ebida by'esiko esyo bichia ohukwa-bukwa. Ao bulaanu, eye lyao lyoosi liba lichia ohwiingira sikolola-muhira mu siko.”

Mani ewe alala neende ab'amaye bao muhoyere ohuchichaanga nimuhuumba nimwebodoohania esiko esyo ehabi lala buli ludaalo hu ndaalo chisaasaba.

Nae abalaamisi bataanu-na-babiri, buli otula nga akiingire eturumbete ndala, bahoyere ohukeenderaanga mu moni w'Esanduuku ly'Endagaano. Mani hu ludaalo lwa hataanu-na-habiri, ewe neende ab'amaye bao, muhoyere ohuchia mani mwahuumba nimwebodoohania esiko esyo, amahabi kataanu-na-kabiri, abalaamisi nibobbaanga sa eturumbete.

Ebiruwa bya Yeriko byadoong'aanga sa nibyeikaale, haandi nibiliindirwe ohukayira Abaisiraeli ohwiingira mukati. Abulao oyo yeesi owali n'anyalaanga ohwiingira kata sa neende ohutulaanga mu siko omwo.

Mani hu habi lya hataanu-na-habiri ly'ohubodoohana, abalaamisi nibali aambi ohuubba eturumbete, Yosua yalagira abaandu ohwehuuma, mani nae n'aboola ati, “Ngaandi Omwaami amalire ohubaberesa esiko sino!

Esiko syoosi, alala neende buli siindu sirimo syoosi bihoyere ohusihirisirwa elalira koti esiyaanwa eyiri Omwaami. Ohutusaho Rahabbu omuhasi mucheke wula neende edaala lyaabwe lyoosi nibyo ebichia ohulehwa, olwohuba oyo yakisa abahemeresi beefwe.