Popular Bible Verses from kolosai 2

Share

ho imueno tiova ho nooe'oca 'o kilisto iesu, temu asansana sotaica no lamu peipeis'ausna. yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

ne auyusi, maica mohmun'a yaa yu'ausna no kuisi, a'vinano uk'a hoolicu ci couyafana, hoci tamza no piepiya mimu mcoi. at'inghi, 'o hamo isi poa smoe'upu smoevovei to kilisto na muu. isi peteongasa na nia afu'uto kuisi, saapayo'a i'ote afu'u koa kuzo a'to, mufutu a'to ci isi tatoyangzi to hoolicu ci nia kuisi. isi spica to zuuzika ho aapayo'a.

maica ina h'aucucunu ci yu'ausna to hamo. mo acʉhʉ yonto 'ayumona to kilisto. mimu yupa cmunghu 'o kilisto, maezo mayo no atngaso ci nsou. zou papoevʉ, tosa'ohe to acʉcʉhʉ cila titutuhcu le'aʉt'ʉcʉ ta moipiepiya.

ko'koeno, teav'a poa ta'poe'eni to 'oesvʉtʉ no eabobonʉ, homeesia, meefeohʉ, hocieno 'ansokunici na muu. 'e acʉcʉhʉ eni mac'o ongko to tena hi'hioa ho noana'o, 'ai'oeno kilisto 'o a'ʉmtʉsi feango.