Popular Bible Verses from Cong-Mengh Waac 18

Share

Nzuih nyei hatc maaz haih bun mienh ziangh fai daic. Ziux ninh a'hneiv gorngv nyei waac ziouc winh nzuonx bun ninh.

ZIOUV nyei mengh se hnangv wuonv haic nyei laauh, kuv mienh tiux bieqc mingh ziouc baengh orn aqv.

Maaih a'nziaauc doic zoux hnangv benx loz-gaeng doic, mv baac maaih dauh loz-gaeng doic, beiv ganh nyei cien muoz-doic, ninh zungv gauh nitv mbuo.

Haaix dauh lorz duqv dauh auv se duqv longx nyei ga'naaiv yaac duqv ZIOUV ceix fuqv.

Haaix dauh maiv gaengh muangx longx ziouc dau ndaangc, ninh zoux hngongx nyei sic yaac zuqc nyaiv.

Mienh hngongx mienh maiv a'hneiv mengh baeqc haaix nyungc, kungx a'hneiv gorngv ninh ganh hnamv cuotv nyei jauv hnangv.

Mienh nyei hnyouv maux ndaangc cingx daaih zuqc mietc, mv baac mienh nyiemc ganh zoux faix ziouc duqv mienh taaih.