Popular Bible Verses from Cong-Mengh Waac 17

Share

Loz-gaeng doic zanc-zanc hnamv jaax, muoz-doic cuotv seix weic tengx jienv ndaam kouv naanc.

Hnyouv njien-youh se longx haic nyei ndie. Hnyouv kouv hoic sin kouv jienv njiec.

Haaix dauh guangc nqoi mienh zoux dorngc nyei sic ziouc duqv mienh hnamv, mv baac haaix dauh nzamc zoux dorngc nyei jauv ziouc caeqv nqoi loz-gaeng doic.

Haaix dauh haih nyienz duqv ninh nyei waac maaih wuonh zaang, haih zanv duqv hnyouv nyei mienh se haih mengh baeqc nyei mienh.

Liemh mienh hngongx mienh sekv nzieqc, maiv ko lo, ziouc funx maaih cong-mengh, ninh nqapc jienv nzuih maiv gorngv waac ziouc funx guai.

Nduqc aax hnaangx-nqaai, biauv yaac baengh orn sekv nyei, se gauh longx maaih orv diuv buangv dieh yaac maaih nzaeng jaax nyei sic.

Jiez gorn nzaeng jaax se hnangv bungx wuom liouc cuotv. Hnangv naaic oix zuqc guangc nqoi ndaangc maaih nzaeng jaax nyei sic cuotv.

Haaix dauh bungx zoux dorngc nyei mienh, yaac bun maiv zoux dorngx nyei mienh zuqc dingc zuiz, naaiv deix i nyungc zungv fih hnangv nyei, ZIOUV youx haic.