Popular Bible Verses from Cong-Mengh Waac 19

Share

Mienh nyei hnyouv daav za'eix camv, mv baac ZIOUV nyei za'eix oix duqv liepc jiez.

Haaix dauh korv-lienh mienh jomc mienh se hnangv gaav ga'naaiv bun ZIOUV. Weic ninh zoux longx nyei jauv ZIOUV oix winh bun ninh.

Hnamv duqv tong nyei mienh maiv qiex jiez siepv, guangc nqoi zuqc mienh zoux dorngc nyei jauv se bun ganh duqv mienh taaih.

Oix zuqc muangx mienh kuinx, muangx mienh njaaux, weic bun meih nqa'haav hingv haih maaih cong-mengh.

Taaih ZIOUV ziouc bun mienh duqv maengc ziangh, duqv daaih nyei mienh buangv hnyouv nyei hitv kuonx, yaac maiv zuqc haaix nyungc hoic.

Duqv cong-mengh nyei mienh hnamv ganh, goux jienv wuonh zaang nyei mienh oix duqv longx.

Dongh maaih lamh hnamv nyei ziangh hoc oix zuqc mborqv njaaux meih nyei fu'jueiv. Maiv dungx dingc sueih ninh zuqc mietc.

Zoux jaav zorng-zengx nyei mienh simv maiv ndutv zuqc dingc zuiz, gorngv-baeqc nyei mienh yaac oix zuqc mietc.