Popular Bible Verses from Cong-Mengh Waac 14

Share

Maaih diuh jauv mienh buatc hnangv horpc nyei, mv baac setv mueiz benx zuqc daic nyei jauv.

Hnyouv baengh orn bun sin kuh yiem, mv baac mueic jieqv hanc bun mbungv latv.

Maiv qiex jiez siepv nyei mienh bieqc hnyouv camv, mv baac qiex jiez siepv nyei mienh taaih hngongx nyei jauv.

Cong-mengh nyei m'sieqv dorn ceix jiez ninh nyei jaa-dingh, mv baac hngongx nyei m'sieqv dorn longc ninh ganh nyei buoz caeqv njiec.

Haaix dauh taaih ZIOUV, maaih wuonv nyei dorngx kaux, ninh nyei naamh nyouz ziouc maaih ndaauh kaux nyei dorngx.

Mienh taaih ZIOUV se ziangh maengc nyei wuom-zingv, weic bun mienh simv nqoi zuqc daic nyei koux.

Cong-mengh mienh mbungh jienv yaac simv nqoi orqv nyei sic, mv baac mienh hngongx mienh maiv gunv ganh, oix zoux haaix nyungc ziouc zoux aqv.