Popular Bible Verses from Cong-Mengh Waac 13

Share

Haaix dauh caux cong-mengh mienh juangc jauv yangh ziouc benx cong-mengh mienh, mv baac caux mienh hngongx mienh zoux doic zungv oix zuqc kouv aqv.

Haaix dauh goux ninh nyei nzuih duqv goux ganh nyei maengc, mv baac haaix dauh la'guaih gorngv, maiv hnamv ndaangc, zungv oix zuqc baaic aqv.

Haaix dauh nyienz jienv maiv longc biaav mborqv njaaux, wuov dauh maiv hnamv ninh nyei dorn, mv baac haaix dauh hnamv dorn se jienh mborqv njaaux.

Maaih lamh hnamv oix duqv nyei, yaac maiv gaengh duqv, ziouc bun mienh hnyouv nzauh kouv, mv baac duqv daaih ziux hnyouv hnamv oix duqv nyei, se hnangv diuh ziangh maengc nyei ndiangx.

Hnyouv zingx nyei mienh maaih zoux horpc nyei jauv beu jienv, mv baac zuiz bun orqv mienh zuqc baaic.

Hungh hec duqv nyaanh siepv ziouc zitc jienv njiec, mv baac yietc nzunc siou deix, yietc nzunc siou deix, ziouc maaih camv jienv faaux.

Zoux maux nyei jauv kungx zoux cuotv nzaeng jaax nyei sic, mv baac muangx kuinx nyei waac wuov deix maaih cong-mengh.

Mienh longx mienh liouh nzipc nyei buonc bun ninh nyei zeiv-fun, mv baac zuiz-mienh nyei zinh zoih siou daaih bun kuv mienh.

Cong-mengh nyei dorn muangx ninh nyei die njaaux nyei waac, mv baac huotv mienh nyei mienh maiv muangx mienh gorngv-hemx ninh.

Maiv longc mienh njaaux nyei waac wuov dauh zuqc benx mienh jomc mienh yaac zuqc nyaiv, mv baac haaix dauh muangx mienh gorngv-njaaux nyei waac duqv mienh taaih.