Popular Bible Verses from Cong-Mengh Waac 15

Share

Longc suonc nyei waac dau bun qiex jiez nyei jauv fiu, mv baac longc ciouv nyei waac cuoqv mienh qiex jiez.

Taaih ZIOUV ziouc njaaux mienh maaih cong-mengh. Oix zuqc nyiemc ganh zoux faix cingx daaih haih duqv mienh taaih.

Nzuih gorngv suonc nyei waac bun mienh maaih maengc ziangh, mv baac gorngv buv longh buv dangv nyei waac bun mienh nyei mba'nziu mbaaix.

Maiv duqv caangh laangh ndaangc, daav nyei za'eix zoux maiv cuotv aqv, mv baac maaih caangh laangh nyei mienh camv, ziouc zoux duqv cuotv.

Hnyouv njien-youh, hmien ziouc njang, mv baac hnyouv nzauh kouv, mba'nziu haih mbaaix.

ZIOUV nyei m'zing mangc jienv norm-norm dorngx, zuov mangc jienv orqv mienh caux kuv mienh.

Maaih zinh zoih zoqc yaac taaih ZIOUV se gauh longx maaih zinh zoih camv mv baac nzauh faanh.

Ga'qiex beqv nyei mienh coqv cuotv nzaeng jaax nyei sic, mv baac nyienz jienv ga'qiex nyei mienh bun nzaeng jaax nyei jauv dingh njiec.

Kuv mienh nyei hnyouv hnamv ziangx hnangv haaix nor dau, mv baac orqv mienh nyei nzuih kungx gorngv cuotv orqv nyei waac.