Popular Bible Verses from Cong-Mengh Waac 12

Share

Mienh hnyouv nzauh faanh haiz hnangv ga'naaiv ngatv jienv hniev nyei, mv baac yietc joux longx nyei waac bun ninh haiz hnyouv longx.

Haaix dauh a'hneiv muangx gorngv-njaaux nyei waac, wuov dauh hnamv wuonh zaang, mv baac haaix dauh nzorng gorngv-hemx nyei waac se hngongx nyei.

Mienh nzuih siepv gorngv waac hnangv nzuqc ndaauv baqv mienh, mv baac cong-mengh mienh nyei waac haih hnangv ndie zorc mienh.

Mienh hngongx mienh zoux nyei sic ziux ganh nyei m'zing mangc zoux duqv horpc, mv baac cong-mengh mienh a'hneiv muangx mienh njaaux.

Mienh hngongx mienh yietv qiex jiez liemh zeih zieqv duqv aqv, mv baac guai nyei mienh zuqc mienh gorngv doqc corc hnangv maiv haiz nor.

Ziangh horngh nyei auv se hnangv nqox nyei ningv, mv baac maiv hiuv duqv nyaiv nyei auv, se hnangv zoux bun ninh nyei nqox nyei mbungv latv.

Mienh nyei nzuih gorngv-baeqc, ZIOUV gamh nziev haic, mv baac ziepc zuoqv nyei zoux wuov deix, ninh a'hneiv haic.

Kuv mienh dorh ninh nyei juangc laangz mienh, mv baac orqv mienh nyei jauv bun mienh mingh dorngc.

Mienh gorngv zien nyei waac, waac yietc liuz yiem, mv baac mienh gorngv gorngv-baeqc nyei waac se yiem nduqc dangh hnangv.