Popular Bible Verses from Римдиктерге 13

Share

Эгебиз Ыйса Машаяктын жетегинде болгула да, күнөөкөр табиятыңардын камын көрүп, ышкыларын кандырууну токтоткула.

Эч кимге бересеңер болбой, өз ара сүйүүнү өмүр бою төлөп өтөр карызыңар катары туткула. Бири-бирин сүйгөндөр мыйзам талаптарын аткарган болушат.

Ар бир адам колунда бийлиги барларга баш ийүүгө тийиш, себеби бардык бийлик Кудайдан келип, бар болгон бийликтерди Ал орноткон.

Түн бүтөйүн деп, таң атарга аз калды. Караңгынын иштерин таштап, жарыктын курал-жарагын алалы.

Сүйгөн адам башкаларга жамандык кылбайт. Андай болсо, сүйүү – мыйзамдын бардык жол-жоболорун аткарууга тете.

Ошентип, аларга эмнени берүүгө тийиштүү болсоң, ошону берип жүр: бирине – салык, башкасына – төлөм, бирине – урмат, башкасына – сый.