Popular Bible Verses from Romabi 2

Share

Se mo nɔmlɔ nɛ o kojoɔ nihi nɛ tsuɔ jamɛ a ni nɛ ɔmɛ nɛ o peɔ ja nɔuu ɔ, anɛ o susuu kaa moo lɛɛ o he maa je Mawu kojomi ɔ mi lo? Aloo pe o ngɛ e mi mi himi kɛ e nɔ he tsui nami kɛ e tsui si tomi babauu ɔ he guɛ gbee, se o li kaa Mawu mi mi jɔmi ɔ pe e ngɛ o he piɛe nɛ o pia o he lo?

Lɔ ɔ he ɔ mo, nɔ tsuaa nɔ nɛ o kojoɔ ɔ, o be nya jemi ko; ejakaa nɔ he nɛ o kojoɔ nɔ kpa ngɛ ɔ, o kɛ buu mo nitsɛ o he fɔ; ejakaa mo nɛ o kojoɔ nihi ɔ, jamɛ a ni ɔmɛ nɔuu o tsuɔ.

Ejakaa Mawu hlɛ nimli a mi.

Ejakaa pi mlaa nuli ɔmɛ ji dali ngɛ Mawu hɛ mi, se mlaa nɔ yeli mohu ji ninɛmɛ nɛ a maa bu kaa dali.

Ejakaa e maa wo nɔ tsuaa nɔ hiɔ bɔ nɛ sa e ni tsumi ɔmɛ

Se nihi nɛ suɔ pɛ nɛ a bui anɔkuale ɔ tue, se a buɔ ni yayahi mohu tue ɔ, a nɔ ji mi mi fumi kɛ mi mi la.

Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.