Popular Bible Verses from Romabi 1

Share

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

Ejakaa kɔlɔ ɔ mi a jeɔ Mawu dami kpo ngɛ, kɛ jee hemi kɛ yemi mi kɛ yaa hemi kɛ yemi mi; kaa bɔ nɛ a ngma ke: “Dalɔ nɛ guu hemi kɛ yemi nɔ ɔ yi ma na wa.”

Mɛni he je ɔ, e he nihi nɛ a nɛ́ nɛ ji e neneene hewami kɛ e Mawu nɛ e ji ɔ kulaa a, kɛ je adebɔ sisije lokoo ɔ, a guu e nihi nɛ e pee ɔmɛ a nɔ yɔseɔ nɛ a naa paa, lɔ ɔ he ɔ, a be nya jemi ko.

A le Mawu lɛɛ, se a wui e hɛ mi nyami kaa Mawu nɛ a nɛ lɛ si hulɔ, se a epe posoposo ngɛ a juɛmihi a mi, nɛ a tsui nɛ kɔ we sane se ɔ mi wo diblii.

A ngɔɔ Mawu anɔkuale ɔ kɛ tsakee lakpa, nɛ a jaa nɛ a sɔmɔɔ nɔ nɛ Mawu bɔ ɔ pe Bɔlɔ ɔ, nɔ nɛ a gbaa kɛ yaa neneene ɔ! Amen.

Ejakaa a jeɔ Mawu mi mi fumi kpo kɛ jee hiɔwe kɛ baa nimli nɛ kɛ ni yayamihi kɛ musu bɔmi tsiɔ anɔkuale ɔ blɔ ɔ kulaa nɔ

Enɛ ɔ he je nɛ Mawu ngmɛɛ a he ngɔ ha zo nihi a he hɛdɔmi ɔ nɛ; ejakaa nɔ nɛ a to nɛ a peɔ ɔ, a yi ɔmɛ tsake hɛ mi ngɔ ha nɔ nɛ a pee we. Nɛ ja nɔuu a nyumu ɔmɛ hu jɔɔ yo he nɔ nɛ a to nɛ a peɔ ɔ peemi nɛ a hɛ dɔɔ ngɛ a kɔnɔ yayami ɔ mi kɛ nyɛɛ mɛ nitsɛmɛ a se, nɛ nyumuhi kɛ nyumuhi tsuɔ zo ni, nɛ lɔ ɔ he ɔ a na a tɔmi ɔ he hiɔwo nɛ sa ngɛ mɛ nitsɛmɛ a he. Nɛ kaa bɔ nɛ a bui kaa e sa kaa a leɔ Mawu ngɛ a ni lemi mi ɔ, Mawu hu ngmɛɛ a he ha juɛmi nɛ sɛ, konɛ a pee nihi nɛ sɛ.

A tsɛɛ a he ni leli, se a plɛ kuasiahi. Mawu nɛ puɛ we ɔ hɛ mi nyami ɔ a tsake ngɔ ha nɔmlɔ nɛ puɛɛ ɔ subai henɔ ko kɛ lohwe pɛlitsɛmɛ kɛ lohwe nane eywiɛ eywiɛtsɛmɛ kɛ waami nihi anɔ.