Popular Bible Verses from Римлилеге 7

Share

Бизни Раббийибиз Масих Иссаны юсю бла Аллахха шукур болсун! Алай бла ол биягъы мен акъылым бла Аллахны Законуна, адам табийгъатым бла уа гюняхны законуна къуллукъ этеме.

Нек десегиз менде, алай демеклик адам табийгъатымда хайырлы зат жашамагъанын билеме. Игилик этерге сюйюу менде барды, алай а аны этерге кючюм жокъду.

Игиликни этерге сюйгенимлей да этмейме, аманлыкъны уа этерге сюймегенимлей да этеме.

Сора этерге сюймегеними эте эсем а, энди мен тюйюл, алай а менде жашагъан гюнях аны этеди.

Алай бла мен, игилик этерге сюйген заманымда, манга аманлыкъ этерге тюшген законну кёреме. Нек десегиз, ич адамыма кёре, Аллахны Законунда зауукълукъ табама.

Сюймеген затымы эте эсем а, Законну хайырлы болгъанына Закон бла келишеме.