Popular Bible Verses from Римлилеге 8

Share

Аллах Аны сюйгенлеге, Аны муратына кёре чакъырылгъанлагъа, хар нени да игиликге болдургъанын билебиз

Ол себепден не ёлюм, не жашау, не мёлекле, не башчыла, не кючле, не эндиги, не боллукъ, Не бийиклик, не теренлик, неда бир башха тюрлю жаратылгъан зат, бизни Раббийибиз Масих Иссада болгъан, Аллахны сюймеклигинден бизни айыралмазлыгъына мен толу ийнанама.

Аны кибик, Сыйлы Нюр да бизни зайифлигибизде бизге болушады: нек десегиз биз нени юсюнден тилек этеригибизни да кереклисича билмейбиз, алай а Нюр Кеси сёз бла айтып ангылатылмазлыкъ ахтыныула бла бизни ючюн ёкюллюк этеди.

Сора анга не айтайыкъ? Аллах бизни жанлы эсе, кимди бизге къажау болаллыкъ?

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду

Гюняхлы табийгъатны ойлашыулары ёлюм, Нюрню ойлашыулары уа жашау эм ырахатлыкъды.

Алай а бу болумланы барысын да бизни Сюйгенни кючю бла хорлайбыз.

Бизни эндиги бир болжалгъа дери къыйналыуларыбыз, бизге ачыллыкъ махтау бла тенглешдиргенде, бир жукъгъа да саналлыкъ тюйюлдю деп ойлайма.

Аллахны сюймеклигинден бизни ким айырлыкъды: къайгъымы, неда тарлыкъмы, неда зулмулукъму, неда ачлыкъмы, неда жаланнгачлыкъмы, неда къоркъуулукъму, неда къылычмы?

Нюрню не сагъышы болгъанын, жюреклени Сынаучу уа биледи; нек десегиз Нюр Аллахны буйругъу бла сыйлыла ючюн ёкюллюк этеди.

Аллахны Нюрю бла жюрютюлгенле барысы да Аллахны уланларыдыла

Нек десегиз гюняхлы табийгъатына кёре жашагъанла ол табийгъат кюсегенни юсюнден ойлашадыла, Нюрге кёре жашагъанла уа Нюр жанындан ойлашадыла.

Кесини Уланын да аямай, алай а Аны бизни барыбыз ючюн берген Аллах Аны бла бизге хар нени да къалай бермез?

Биз Аллахны сабийлери болгъаныбызгъа, Ол Нюр Кеси бизни нюрюбюзге шагъатлыкъ этеди. Сабийлери эсег’а, сора юлюшлюлерибиз. Биз, Масих бла бирге махтаулу болур ючюн, Аны бла бирге азап чеге эсек, Аллахны юлюшлюлерибиз, Масих бла да бирге юлюшлюбюз.

Нек десегиз гюняхлы табийгъатны ойлашыулары Аллахха къажаулукъду; Аллахны Законуна бойсунмайдыла, бойсуналлыкъ да тюйюлдюле.

Аллах жаратхан алам Аллахны уланларыны ачыкъ боллукъларын ышанып сакълайды.

Жаратылгъанла бары да бирге эндиге дери да ынчхагъанларын эм къозлаудан къыйналгъанча къыйналгъанларын билебиз