Popular Bible Verses from Римлилеге 6

Share

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Гюнях сизге бийлик этерге керек тюйюлдю; нек десегиз сиз Тауратны Законуну буйругъунда тюйюлсюз, алай а Аллахны шафауатыны оноуундасыз. Тюзлюклюлюкге къул болуу

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

Эмда санларыгъызны гюняхха тюзлюксюзлюкню амалына бермегиз, алай а, ёлгенледен тиргизилгенле кибик, кесигизни Аллахха, санларыгъызны да тюзлюклюлюкню амалына Аллахха беригиз.

Биз энди гюняхны къуллары болмайыкъ деп, гюняхлы чархларыбыз къорар ючюн бизни эски жашауубуз Масих бла бирге къачха керилгенин билебиз.

Сиз да алай, кесигизни гюнях ючюн ёлгеннге, Аллах ючюн а Раббийибиз Масих Иссада жашагъаннга санагъыз.

Сора не айтайыкъ? Аллахны шафауаты кёп болур ючюн, биз гюняхдамы къалайыкъ? Чыртда угъай! Биз гюняхха ёлгенбиз, сора энтда гюняхда къалай жашайыкъ?

Сиз, кимге боюн салып, кесигизни кимни айтханын этерге къулгъа бере эсегиз, аны къуллары болгъаныгъызны билмеймисиз? Не ёлюм келтирген гюняхны къулларысыз, неда тюзлюклюлюк келтирген боюн салыуну къулларысыз.

Алай а сиз алгъын гюняхны къуллары болгъан эсегиз да, энди уа сиз кесигизни анга берген окъууну юйретиуюне таза жюрекден тынгылаучу болгъаныгъыз ючюн Аллахха шукур! Гюняхдан азат этилип, сиз энди тюзлюклюлюкню къуллары болгъансыз.