Popular Bible Verses from Colosenses 3

Share

Pene paciencia kena ojuehe kuéra ha peñoperdona, oime ramo ipochýva ambue ndive. Pe Cristo pene perdona haguéicha, peperdona avei peẽ.

Pepensa umi mba'e yvága pegua rehe, ha ani ko yvy arigua rehe.

Oimeraẽva mba'e pejapóva, pejapo pende py'aite guive, pejapo ramo guáicha Ñandejárape ha nda yvypóra kuérapei.

Pemonde, upéicharamo, umi ao opyta porã vaerã umi Tupã Ñandejára oiporavo va'ekue rehe imba'e kuéra ha'e ohayhúva. Pemonde pe poriahuvereko pende py'aite guive guáva, py'aporã, jejapo'ỹ, pochykuaa'ỹ ha paciencia.

Pe Cristo ñe'ẽ toĩ tapia pende py'apýpe opa imba'eta reheve. Peñohekombo'e ha peñomokyre'ỹ opa arandúpe. Pepurahéi salmo, himno, ha ñembo'e purahéi, peme'ẽvo las gracias Tupã Ñandejárape pende py'apýpe. Oimeraẽva mba'e pejapo terã pejéva, pejapopa Ñandejára Jesús rérape, peme'ẽvo las gracias pe Túva Ñandejárape Cristo rupi.

Hi'ariete, ta pene renyhẽ mborayhúgui, upe ombojuaju ha omporãmbáva opaite mba'e.

Upéva rehe, peẽ peikove jevýma va'ekue Cristo ndive, peheka umi mba'e yvága peguáva, oguapyhápe hína Cristo Tupã Ñandejára po akatúape.

Ha pe Tupã Ñandejára py'aguapy toĩ pene corazõme, upevarã voi niko Tupã Ñandejára pene renói va'ekue ojapo haguã pende hegui peteĩ tete añó. Ha peme'ẽ las gracias Tupã Ñandejárape.

Upéva rehe, pemomano opa oĩva pende pype ko yvy ariguáva; aníketei avave oiko oñondive omenda'ỹ rehe, terã ojapo mba'e ky'a, terã oiko hembipota asy, ha hembipota vai rapykuéri, terã heko taryrýi, upe ha'ete jevýnteva ta'anga ñemomba'eguasu.

Peẽ niko pemano va'ekue Cristo ndive, ha ko'ãga pereko pende rekove ñeñongatuhápe hendive Tupã Ñandejára ndive.

Ko'ãga katu pehejapa peẽ opa ko'ã mba'e: pochy, tembipota asy, ñaña, jeja'o, ñe'ẽ ky'a ikatúva osẽ pende jurúgui.

Ani pende japu ojupe kuéra. Peẽ niko pejeíma va'ekue pe pende reko tujágui umi mba'e pejapo va'ekue reheve, ha pemonde va'ekue pe teko ipyahúva, upe oñembopyahuvéva ohóvo Tupã Ñandejára rekópe ojoguáva ha hembiapokuéva voi, peikuaa porã haguã Tupã Ñandejárape.

Pe ména tohayhu hembirekópe ha ani iñe'ẽ pohýi ichupe.

Ta'ýra kuéra ta iñe'ẽrendu túva kuérape opa mba'épe, upéva ombovy'águi Tupã Ñandejárape.

Pe kuña omendáva ta iñe'ẽrendu iménape, upéicha vaerã umi Ñandejára rehe ojeroviáva.