Popular Bible Verses from ROMANOS 9

Share

Háwe eyke m'a apmopmenyého nak énxet yemlekxohok Dios, tén han ma'a apwaskápeykekxoho nak apkeltémo yemlekxohok Dios, wánxa m'a apmokókxa enxoho yepyóshok elanok Dios.

Hakte axta aptemék Dios apkenagkama Moisés se'e: “Wamlekxohok sat ko'o énxet sekmokókxa enxoho wamlekxohok, yepyóshok sat nahan alanok ko'o m'a énxet sekmokókxa enxoho yepyóshok alano'.”

Enxet, ¿yaksak ekxeyenma apwáxok apkenagkama etnék xép apmoko nak elátegmoweykpok Dios? ¿Apwanchek enxeykel'a yátegwáxwa etnehek yának énxet ektaha apkelané s'e: “¿Yaksak ektaha aptaha nak selané s'e ektaha nak?”

Yepyóshok cha'a elanok Dios énxet apkepmenyexa enxoho yepyóshok elano', ekyennakte apwáxok nahan cha'a etnésesek Dios énxet apmokókxa enxoho etnésesek ekyennakte apwáxok.

Enxet ektaha nak apkelané yátegwáxwa yelpa', apwanchek etnésesek ma'a apmokókxa enxoho etnésesek, apwanchek etakmelcheshok apmeykha m'a pók, keñe m'a pók metakmelchesek apmeykha.