Popular Bible Verses from ROMANOS 8

Share

Negya'ásegkok negko'o apkelanésama cha'a ekyókxoho aksok Dios ma'a énxet'ák ektaha nak apkelásekhayo, yakwayam enxoho kapasmok, cham'a énxet'ák ektaha axta apkelwóneykha Dios, ekhawo m'a ektahakxa axta apmopmenyého.

Ekya'ásegkok eyke ko'o méko kawának hegyenyókasek ma'a ektémakxa nak Dios segásekhayo. Yawanchek ma'a ektémakxa nak nétsapma, tén han ma'a ektémakxa nak negyennakte, mopwanchek nahan ma'a Dios apkelásenneykha nak, yawanchek nahan ma'a aksok ekha nak elmowancha'a, yawanchek nahan sónegwánxa nak, yawanchek nahan ma'a aksok ekyetna nak egmonye, yawanchek nahan ma'a aksok ekyetno nak néten, tén han ma'a aksok ekyetna nak kónegó' agko', yawanchek nahan hegyenyókasek xama aksok ektaha axta apkelané Dios. ¡Méko kawának hegyenyókasek ektémakxa nak Dios segásekhayo, cham'a senxekmósa axta eñama Cristo Jesús aptaha nak Wese' egegkok!

Ekhawo ektémakxa nak han sempasmoma cha'a Espíritu neyseksa nelyelkamáxkoho. Magya'ásegkok negko'o nentémakxa antehek nempeywa nelmaxnagko, cham'a eyéméxchexa nak antehek, wánxa agkok Espíritu eyke apteme sempakhetcheseso negko'o Dios, yetlo apmáheyo apagko', cham'a magkegwagko nak negko'o antehek nempeywa.

¿Háxko sat kaxwo' antehek anxének xa aksok nak? Empasmeyk agkok negko'o Dios, méko kawának henmexek negko'o.

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo

Xénaha agkok aksa egwáxok wánxa m'a nentémakxa egagko' nak, cháxa segya'asamol'a nétsapmakxa xa; keñe m'a ekxéneykha nak egwáxok aksok apkeltémókxa nak anlának Espíritu, cháxa segmésamol'a ekyennakte egnenya'ák xa, tén han meyke ektahakxa egwáxok.

Nelmalanchek eyke cha'a negko'o neyseksa ekyókxoho xa aksok nak, eñama senteméseso m'a aptaha axta segásekhayo.

Xénchek ko'o ewáxok ektaha mékoho nenlegeykegkoho sónegwánxa nak, cham'a negyetchásawo enxoho m'a negeymáxkoho eñama nak Dios peya nak hegwatámhok.

¿Yaksak sat kawának hegyenyókasek negko'o m'a ektémakxa nak Cristo segásekhayo? ¿Nenlegeykegkohoya, enxeykel'a m'a ekyentaxno nak negha, enxeykel'a m'a sẽlmenxeneykha nak, enxeykel'a m'a meyk segakhe nak, enxeykel'a m'a senteme nak meyke apáwa, enxeykel'a m'a aksok segakhamo nak, nétsapma enxeykel'a?

Dios, aptaha nak apkelyetsáteyak ektémakxa elchetamso egwáxok, ey'asagkohok ma'a aksok apmopmenyého nak exének Espíritu, hakte elmaxnésesek cha'a Espíritu m'a ektaha nak Dios énxet'ák apagkok ekhawo m'a ektémakxa nak ekxeyenma apwáxok Dios.

Apyókxoho énxet ektaha nak appeykesáseyak Espíritu apkeñama Dios, Dios apketchek ma'a.

Enxet'ák ektaha nak apkelyetleykekxa apkeltémakxa apancha'awo' nak melya'asáxma, wánxa aksa kaxénmakha apwáxok ma'a apkeltémakxa apancha'awo' nak; keñe m'a énxet'ák apkelyetleykekxa nak ma'a apkeltémókxa nak antehek Espíritu, wánxa aksa kaxénmakha apwáxok ma'a aksok eñama nak Espíritu.

Axta emyágweykekxak Apketche Dios segmésa negko'o, apcha'awok axta aksa apmatña negko'o eñamakxa, ékeso eñamakxa peya nak hegmések negko'o Dios ekyókxoho aksok xamo' ma'a Apketche.

Epetchekxak nahan eghagak xa Espíritu nak, yakwayam exének nentaha negko'o Dios apketchek. Hegwakxohok sat nahan negko'o xa nenxawé m'a sempagkanchesama axta Dios hegmeyásekxak, cham'a sẽltennasama axta, cháxa peya sat anxawhok xamo' Cristo xa, eyámnaksoho enxoho nenlegagkoho xamo' ma'a Cristo, yakwayam enxoho ampasmok ma'a ektémakxa nak apcheymákpoho.

Xénaha agkok kélwáxok wánxa m'a kéltémakxa kélagko' nak, kélenmexma kóltehek ma'a Dios, hakte megkólmenyék kóllának ma'a eltémókxa nak antehek segánamakxa apagkok, megkólmenyék nahan.

Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.

Negya'ásegkok negko'o ellegágkoho ekmáske m'a ekyókxoho aksok apkelané axta Dios ektémol'a kañegkohok kelán'a amonye ektegkeso étche.