Popular Bible Verses from EFESIOS 2

Share

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

Kélwagkásexchek axta kéxegke teyp eñama m'a apméso naksa axta kéxegke Dios ma'a ektémakxa nak segemleykekxoho, eñama m'a kélteme nak megkólya'áseyam. Háwe eyke kélweté kélagko' kéxegke xa, kélxawé axta eñama Dios apméso. Háwe eñama aksok kéllané xa kélwagkásamáxche teyp nak, yakwayam enxoho méko kawának keyxkohok awáxok.

Wánxa agkok, awanhek eyke segemleykekxoho Dios, awanhek nahan segásekhayo, ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

Ennakxátekhásekmek axta negko'o Dios xamo' Cristo, eghésakxeyk axta nahan xamo' Cristo m'a néten.

Ekeso eñamakxa ekmassa nak kéltaha kéxegke pók énxet'ák, massék kélheyncha'a kéxegke megkatnahakxa xapop kélagkok, kaxwo' eyke wákxók kéxegke m'a apkeltémakxa nak Dios énxet'ák apagkok, kéltemék nahan Dios apnámokkok. Kéxegke kélteme máxa xama tegma apkelánamapla'a néten tegma apówhak ekyennaktesol'a tegma, cham'a aptaha nak seykha amya'a, tén han ma'a énxet'ák Dios appeywa apkellegaso nak. Jesucristo eyke apteme meteymog apyennakteso xa tegma nak.