Popular Bible Verses from Romanos 4

Share

Ex minti' jolpaje' tk'u'j ti'j ju yol tzaj ttziyan Dios te; o'kx tkyuwsa tib' tuj tokslab'l ex xi tq'o'n chjonte te Dios. O qe'xix tk'u'j ti'j qa at tipumal Dios tu'n tb'inchante tkyaqilju otoq tzaj ttziyan Dios te.

ik tza'n in tma'n tuj Tu'jil: Ma tz'ok nq'o'ne te mamb'aj kye nimku nasyon, chi tuj Tu'jil. Ate Abraham qman twitz Dios, porke xi toksla'n tyol Dios, aju Dios in che jatz anq'in kyimni tu'n, ex ok tyolin Dios in b'ant aju minti'toq at nej.

Ate Jesús xi q'o'n tuj kyq'ab' xjal tu'n tkyim tu'n tlaj qil, ex jatz anq'in tu'n qok te tz'aqlxix twitz Dios.

Maske minti' tumel tuj twitz Abraham tu'n titz'j jun tk'wa'l, pero xi toksla'n tyol Dios ex kub' tyo'n ex o qe'xix tk'u'j ti'j tu'n tok te mamb'aj kye nimku xjal, ik tza'nx o tma Dios te: Iktzun k'okel kyajlal tiyjila, chi Dios.

Kyja'tzun, noq tu'nju at tokslab'l Abraham tzaj ttziyan Dios jun tyol te, tu'n tok te jun xtalb'il, tu'ntzun tkyuwsanjtz ju yol tzaj ttziyan Dios kye kykyaqil tiyjil Abraham. Mya o'kx kye qeju in xi kyniman ju ley tzaj ttziyan Dios ju yol lu, ax ikx kye qeju in che okslan ik tza'n te Abraham okslan; kyja'tzun ma tz'ok Abraham te mamb'aj qe qkyaqil

Porke chi David: At tzalajb'il kye xjal in kub' najsa'n kyil, ex in kub' maqsi'n kyil. At tzalajb'il te xjal aju mlay tzaj na'ntl til tu'n Qman, chi tuj Tu'jil.

Chi in tma'n tuj Tu'jil: Xi toksla'n Abraham tyol Dios; kyja'tzun ok q'o'n te tz'aqlxix tu'n Dios noq tu'n tokslab'l, chi tuj Tu'jil.