Popular Bible Verses from Romanos 5

Share

Pero in tzaj tyek'un Dios qa at tk'ujlalil qi'j, tu'nju o kyim Crist te qxel tej aj ilxtoq qo'.

ex tu'nju q'uql qk'u'j ti'j Dios, mlay qo el tuj qch'ixwi; porke in qna'n tuj qanmi aju tk'ujlalil Dios qi'j tu'nju Xewb'aj Xjan tzaj tq'o'n qe.

Ex mya noq o'kx jlu; ax ikx in qo tzalaj tuj yajb'il qe, porke b'a'n qu'n, aju yajb'il qe in tq'o'n qpasens tu'n tik'x qu'n; ex tu'n qpasens, kyuw qten tu'n tik'x qu'n; ex tu'nju nnik'x qu'n, mas in qe' qk'u'j ti'j Dios

Kyja'tzun ma qo ok te tz'aqlxix tu'n Dios noq tu'n qokslab'l, ex ma b'ant qten tuk'il Dios noq tu'n Qajaw Jesucrist. Ma tzaj tq'o'n Dios t-xtalb'il qe noq tu'n Jesucrist, porke ma qo okslan ti'j, ex wa'l qo'xix tuj t-xtalb'il, ex in qo tzalaj tu'nju q'uql qk'u'j ti'j tu'n qten tuk'il Dios tuj tajwalil.

Ex tej minti'toq qipun tu'n qklet qu'nx qib', kyja'tzun kyim Crist tu'n qlaj tujxix tq'ijlalil, porke aj il qo'.

Ik tza'n ma qo ok q'o'n te tz'aqlxix tu'n Dios tu'nju kyim Crist, kyja'tzun mas in qe'xix qk'u'j ti'j, qo kletel tu'n ok ttzaj kycastiw xjal tu'n Dios.

Porke ik tza'n e ok nimku xjal aj il noq tu'n tlaj jun xinaq minti' xi tniman tyol Dios, ax ikxtzun nimku xjal ok che okel te tz'aqlxix tu'n Dios noq tu'n jun xinaq xi tniman tyol Dios.

Ex mya o'kx jlu; ax ikx nim in qo tzalaj ti'j Dios tu'n Qajaw Jesucrist, porke tu'n Crist ma b'ant qten tuk'il Dios.