Popular Bible Verses from Mateo 18

Share

Porke jatum ate' kab'e ex qa ox kyb'uyin kyib' k'ulul weye, atzun atine kyxol.

Kxel nma'ne juntl maj kyeye, qa at kab'e kyeye ma moje' kyyol twitz tx'otx' tu'n t-xi kyqanin jun ti'xti tuj kyna'j Dios, ktzajel q'o'n kye tu'n Nmane aju at tuj kya'j.

Tzaj ttxko'n Jesús jun tal k'wa'l, kub' tq'o'n kyxol, ex tma: —Ax tok kxel nma'ne kyeye, qa minti' ma che ch'expaje ex qa minti' ma che oke ik tza'n qe tal k'wa'l, mlayx che okxe tuj ju kawb'il in tzaj tuj kya'j.

Kyja'tzun, alkyeju ma kub' tmansin tib' ik tza'n jun tal k'wa'l lu, atzunju mas nim toklen tuj kawb'il in tzaj tuj kya'j.

Ex alkye jun xjal in k'monte jun tal k'wa'l ik tza'n jlu tu'nju at tk'ujlalil xjal wi'je, aqine in chin tk'mo'n.

Ax tok kxel nma'ne kyeye, aju kxel kymayo'ne tzalu twitz tx'otx', ax ikx tuj kya'j kmayetel; ex aju kxel kyma'ne tu'n tb'ant tzalu twitz tx'otx', ax ikx tuj kya'j ktzajel q'ma'n tu'n tb'ant.

Ax ikxtzun ok tb'incha' Nmane kyi'je, aju at tuj kya'j, qa minti' xkub' kynajsa'ne tu'n tkyaqil kyanmiye aju kyil kyermaniye, chi Jesús kye.

Ex qa at jun xjal ma kub' tz'aq jun tal ch'in tu'n tuj il kyxol qeju in che okslan wi'je, mas b'a'n tu'n tok k'alet jun kya' ma'xix ti'j tqul, ex tu'n tku'x xo't max t-xe'pun mar.

¿Chi tok kyu'ne? Qa at jun xjal at jun syent t-ẍne'l, ex qa ma kyaj tzpet jun, ¿mlaypelo che kyaj tq'o'n qeju 99 twi witz, ex kxe'l jyolte aju otoq kyaj tzpet?