Popular Bible Verses from Mateo 17

Share

Xi tma'n Jesús kye: —Tu'nju minti' in qe' kyk'u'je ti'j Dios, porke ax tok kxel nma'ne kyeye, noqwit at kyokslab'le, maske noq ch'in ik tza'n jun tal twitz mostaza, jakulo txi kyma'ne teju witz lu: Tik'a tzalu, txi'ya ma chixin. K'ik'eltzun. Ex minti' jun mlaywit b'ant kyu'ne qa at kyokslab'le.

Matoq in yolin Pedro, kub' ten jun muj kyib'aj in qoptz'aj; ex at jun tq'ajq'ajel tzaj tuj muj, in tma'n: —Atzun Nk'wa'le jlu k'ujla'nxix wu'ne, in chin tzalaje ti'j. Kyb'inxe tyol.

Xi ttzaq'we'n Jesús: —Aqeye xjal tuj tq'ijlalil ja'lo minti' kyokslab'le ex mib'an che b'ine. ¿Jte' q'ij tu'n ntene kyuk'ile? ¿Ex jte' q'ij tu'n kyik'xe wu'ne? Kyi'ntze k'wa'l tzalu. Xitzun tmayo'n Jesús ju'ẍ, etztzun ju'ẍ tuj tanmi k'wa'l, b'i'xtzun kyaj b'anix k'wa'l.