Popular Bible Verses from Mateo 19

Share

Xi tke'yin Jesús kywitz ex xi tma'n kye: —Mlay b'ant jlu kyu'n xjal, pero te Dios tkyaqil jaku b'ant tu'n.

Kyja'tzun mya kab'e kyten, noq junx kyten; kyja'tzun, aju ok tmojb'a'n Dios, mi'n tz'el tpa'n xjal, chi Jesús kye.

Xi ttzaq'we'n Jesús: —¿B'ajxpe jaw kysch'i'ne tuj Tu'jil tej tb'ant xjal tu'n Dios t-xe tnejel, xinaq ex xu'j e kub' tb'incha'n? Ex tma Dios: Kyja'tzun kyjel tq'o'n xinaq tman tuk'ix ttxu', ex kmojeb'el tuk'il t-xu'jil, ex kykab'il che okel te junx.

Ex xi tma'n Jesús kye t-xnaq'tzb'en: —Kyq'onxe amb'il kye tal k'wa'l tu'n kytzaj wuk'ile ex mi'n che'x kymayo'ne; porke aju kawb'il in tzaj tuj kya'j kyekye xjal ik kyten ik tza'n qe tal k'wa'l lu, chi Jesús.

Ex qeju ate' te tnejel ja'lo, nimku che okel te mankb'il; ex qeju ate' te mankb'il ja'lo, nimku che okel te tnejel.

Ex alkye jun ma kyaj tq'o'n tja, ex qa ttzik, ex qa titz'in, ex qa tman, ex qa ttxu', ex qa t-xu'jil, ex qa tk'wa'l, ex qa ttx'otx', noq tu'n nlaje, jun syent maj ok tk'ma' t-xel, ex ok tkamb'a' tchwinqlal te jumajx.

Xitzun tma'n Jesús te: —Qa taja tu'n toka tz'aqlxix, txi'ya, k'ayinxa tkyaqilju at teya ex q'onxa kye meb'a, ex kteltzun tq'inumab'la tuj kya'j; tzaja, ex lpe'ka wi'je.

Xi tma'n Jesús te: —¿Tiqu'n in chin ok tq'o'na te b'a'n? Mi a'l jun xjal b'a'n, o'kx te Dios b'a'n. Qa taja tu'n tten tchwinqlala te jumajx, che japunx qe mandamyent tu'na.

Kxel nma'ne juntl maj kyeye, mas jurat jaku tz'ex jun chej camey tuj toy' jun b'aq, twitzju tu'n tokx jun q'inun tuj tkawb'il Dios.

Atzun weye kxel nma'ne kyeye, qa at jun xjal ma kub' tpa'n tib' tuk'il t-xu'jil ex qa minti' in tb'incha'n xu'j aj pajil, qatzun ma moje' xinaq tuk'il juntl xu'j, in tb'incha'n xinaq aj pajil; [ex qa ma moje' juntl xinaq tuk'il ju xu'j otoq tz'el lajo'n, in tb'incha'n xinaq aj pajil], chi Jesús kye.

Xitzun tma'n Jesús kye t-xnaq'tzb'en: —Ax tok kxel nma'ne kyeye, kyuw tu'n tokx jun xjal q'inun tuj kawb'il in tzaj tuj kya'j.