Popular Bible Verses from Éxodo 3

Share

Tzaj ttzaq'we'n Dios te Moisés: —AQINE AJU AX QINE, chi Dios. Ax ikx tzaj tma'ntl: Kyja'tzun tten kxel tma'na kye aj Israel: Aju tok tb'i AQINE ma tzaj samante weye kyuk'ile, chikuya.

Tzaj ttzaq'we'n Dios te: —Txi'ya, ok chin tele tuk'ila. Atzun jlu k'ajb'el te jun techal teya qa wu'ne otoq txi nsama'na: Ok kyetz ti'na tuj Egipto qe xjal etzan wu'ne, kykyaqile che k'ulule weye t-xe witz lu, chi Dios.

Tzajtzun tma'n Dios te kyja': —Mi'n tzaj laq'e'ya. Q'i'mela t-xajb'iya kyi'j tqana, porke xjan aju lugar jatum tkub'a.

Tzaj tma'ntl Qman: —Ma wile yajb'il kye xjal etzan wu'ne, aqeju ate' tuj Egipto. Ma nb'iye tq'ajq'ajel kywi' in che ayayan kyu'n caporal, ex b'a'n wu'ne nik'pun in che k'ixb'isanjtz, ex tu'ntzun jlu ma chin ku'tze tu'n kyklet wu'ne tuj kyq'ab' aj Egipto, tu'n kyetz wi'ne tuj tx'otx' ma chixin ex tu'n kypon wi'ne tuj jun tx'otx' b'a'n ex ma' twitz. Aju tx'otx' lu, q'inunxix ex tb'anilxix. Atzun najl qe aj Canaán, qe aj Heteo, qe aj Amorreo, qe aj Ferezeo, qe aj Heveo ex qe aj Jebuseo.

Kub'tzun tyek'un tib' t-anjel Qman twitz tuj jun wi' ch'i'x k'ul in julintoq tu'n q'aq'. O til in julintoq ch'i'x k'ul tu'n q'aq' ex minti' in kub' tz'e'ytoq.

Tu'ntzun jlu, txi'ya ja'lo. Kxel nsama'na twitz Faraón tu'n kyetz ti'na tuj Egipto qe xjal etzan wu'ne, aqeju aj Israel, chi Dios.