Popular Bible Verses from Éxodo 2

Share

O tb'i Dios tq'ajq'ajel kywi' in che ayayantoq, ex ultzun ti'j tk'u'j aju yol otoq tzaj ttziyan te Abraham, te Isaac ex te Jacob. O til Dios qe aj Israel ex el tnik' ti'j ju in b'ajtoq kyi'j.

Tb'ajlenxi nim q'ij kyim rey te Egipto. Atzun kye aj Israel kukx e ayayan tu'nju nim aq'untl kub' q'o'n kyib'aj, ex jaw tq'ajq'ajel kywi'. O japun tq'ajq'ajel kywi' tuk'il Dios, tu'n tlaj aq'untl tkub'toq kyib'aj.

Tejtzun tch'iy ne', xi ti'n twitz tme'jel Faraón, oktzun tq'o'n tme'jel Faraón mer ik tza'n te tal, Moisés tb'i ok tq'o'n ex tma: Atzun tb'i k'okel tu'nju tuj a' jatz wi'ne, chi tme'jel Faraón.

Xitzun tma'n tme'jel Faraón te kyja': Q'inxa tal ne' lu, ch'iysama ex kchjetela wu'ne. Xitzun ti'n txub'aj tal ne' ex o ch'iy tu'n.

Ku'xtzun tme'jel Faraón chil ttzi nima ex tej in che b'ettoq qe q'apoj ttzi nima, aqeju uk'intoq tu'n, o til tme'jel Faraón aju chi'l tokx kyxol tqan ajlaj, ex xi t-sama'n jun tmajen q'ilte te.

At jun q'ij, tej otoq ch'iy Moisés, etz ke'yilte kye t-xjalil ex o til kyuw aq'untl tkub' kyib'aj. Ax ikx o til lu jun aj Egipto in k'ixb'isantoq ti'j jun aj Hebreo aju t-xjalil. Xitzun tke'yin Moisés ti'jele, ex tej ttil mi a'ltoq jun in ke'yin ti'j, kub' tb'yo'n aju aj Egipto ex ku'x tmaqu'n tjaq' poqlaj.