Popular Bible Verses from Éxodo 4

Share

Tzajtzun tma'n Qman te kyja': —¿Al u'n b'ant ttzi xjal? ¿Al u'n b'ant aju xjal mib'an yolin ex aju xjal mib'an b'in, aju xjal b'a'n ke'yin ex aju xjal moẍ? ¿Myapetzun wu'ne, aqine Kymane? Txi'ya ja'lo. Aqine chin onil teya ok tyolina, ex kxel nxnaq'tza'ne alkye yol kxel tma'na, chi Dios.

Xitzun ttzaq'we'n Moisés te Qman kyja': —Ay, Tat. B'ajx chin oke te jun xjal noq tokx yol tuj ttzi'; atxix wul-len itz'je ex mya noq o'kx tej ma yolina wuk'ile yaj in meltz'aj ntzi'ye ti'j yol, ex xt'ab' chin yoline, chi Moisés.

Tzajtzun tq'oj Qman ti'j Moisés ex tzaj tma'n te kyja': —¿Myapetzun ojtzqi'n Aarón wu'ne, aju aj Leví ex ttzika? B'a'n wu'ne b'a'nxix yolin. Tzul kanul ti'ja, ex ok tke'yinjtza tu'n ktzalajel nim tuj tanmi.