Popular Bible Verses from Ɛfɛsusnima 5

Share

Dinzuɣu yi ni nyɛ Naawuni biyurisi la zuɣu, di simdi ni yi chɛ ka yi bebu be kaman o bebu. Di niŋ kamaata ni yi mali yurilim yi bebu ni kaman Masia ni daa yu ti ka zaŋ omaŋ’ pa talima ti zuɣu, ka di tiɣi Naawuni nini kaman sara shɛli din nyom viɛl’ ŋun’ Naawuni san’ la.

Dinzuɣu kpahimmiya yi ni be shɛm viɛnyɛliŋga, ka di benya kaman bɛn be ʒilinsi ni, amaa ka lee bemi kaman yɛnnima. Zaŋmiya yi ni mali dahima shɛli n-tummi di ni simdi ni yi tum shɛm ni nimmoo, dama ʒiɛmani ŋɔ nyɛla ʒiɛmaan’ biɛɣu.

Di nyuriya dam kuuna, dama di nyubu puuni ka ninvuɣ’ yotali yirina, amaa lee chɛliya ka Naawuni Shia Kasi pali yi suhuri ni. Zaŋmiya adiini yila mini Naawuni paɣibu yila ni Yila litaafi ni yila kpaŋsiri taba, ka yilimiya yila paɣimi ti Duuma ni yi suhuri zaa. Kul paɣimiya ti Ba Naawuni binshɛɣukam zaa puuni sahakam ti Duuma Yisa Masia yuli zuɣu.

Dinzuɣu di nyɛnya jɛra, amaa bomiya baŋ ti Duuma yubu ni nyɛ shɛm.

Yidaannima, yumiya yi paɣiba kaman Masia ni yuri cheechi maa ka zaŋ omaŋ’ pa talima di zuɣu shɛm la.

Yi gba maŋmaŋ’ daa bela zibisim ni, amaa ti Duuma ni, yi yipa leela bɛn be neesim ni pumpɔŋɔ. Dinzuɣu benya kaman neesim ni niriba

Zaŋmiya yimaŋ’ ti taba yi ni luri Masia sizuura la zuɣu.

Yidaampaɣiba, zaŋmiya yimaŋ’ ti yi yidaannima ka di be kaman yi zaŋ yimaŋ’ tila ti Duuma la.

Amaa di wuhiri yi gba yɛla: Di simdi ni yidan’ kam yur’ o paɣa kaman omaŋmaŋ’ la; ka di simdi ni yidaampaɣ’ kam gba lur’ o yidan’ sizuura.

Di bemi kaman di ni sab’ shɛm la: “Daliri ŋɔ zuɣu ka doo ŋmaligir’ o ba min’ o ma sani n-zaŋd’ omaŋ’ tabind’ o paɣa ka bɛ niriba ayi maa be kaman ninvuɣ’ yino.”

Di chɛliya ka yi nuu be zibisim tuun’ yoya ni, amaa lee yihimiya tuun’ yoya maa la palɔni.