Popular Bible Verses from Ɛfɛsusnima 4

Share

Ka niŋmiya tab’ nirilim, ka mali nambɔzɔbo biɛhigu, ka chɛri yi tab’ taali paŋdi ba kaman Naawuni ni daa chɛ m-paŋ yi gba Masia zuɣu shɛm la.

Siɣisimiya yimaŋ’ be baalim, ka mali suɣilo sahakam. Dimiya suɣilo zaŋ chaŋ yi tab’ polo yurilim puuni.

Di chɛliya ka yɛtɔɣ’ yoya yiri yi noya ni na naɣila din kpaŋsiri niriba suhuri, ka di ni niŋ bɛnkam zaa wum li anfaani.

Yihimiya putɔɣu mini suhuyiɣisili ni sujee ni zabili ni nyaanzubo ni biɛr’ biɛɣu zaa yi bebu ni.

A yi je suli, nyin’ miri ka a chɛ ka a sujee maa ti kpɛh’ a alahichi ni, ka a mi miri ka a je suli hal ka wuntaŋ’ ti lu. Di ti Sintani soli hal biɛla!

Yihimiya yi biɛr’ kurili din chɛ ka yi be kaman yi ni daa pun be shɛm la bahi, dama yi biɛr’ kurili maa daa pun saɣim la kɔr’ biɛ’ shɛŋa din daa yɔhim ya la puuni. Di niŋ kamaata ni yi suhuri mini yi tɛha leela zaɣ’ pala zaa. Di simdi ni yi zaŋ biɛhigu pal’ shɛli Naawuni ni daa nam ka di ŋmani ŋun’ Naawuni maŋmaŋ’ biɛhigu ka nyɛ din tuhi ka be kasi n-ye kaman binyɛrigu la.

Suhudoo din lɔn ya tabili tab’ la zuɣu, chɛliya ka yi suhuri ye naŋgban’ yini malibu shɛli Naawuni Shia Kasi ni tiri ti la zuɣu.

Ŋuna n-nyɛ ŋun daa zaŋ pina ti ninsalinim’ la. O pii shɛb’ leela tuumba, ka pii shɛb’ leeg’ anabinima, ka pii shɛb’ leei Masia lahibal’ suŋ molomooniba, ka pii shɛb’ leei pastanima, ka pii shɛb’ mi leei karimbanima. O daa niŋ dimbɔŋɔ ni o malila Yisa nyaandoliba zaa shili ka bɛ tum Naawuni tuma n-chɛ ka ŋun’ Masia niŋgbuŋ la zooi hal ka ti ti paai ti ni niŋ yɛda yin’ shɛl’ la mini ti Naawuni Bia baŋbu la m-bi niriba ka ti biɛhigu buɣisibu saɣisi Masia biɛhigu zaa la.

Di saha maa ti ti ku lan be kaman bihi, ka ninvuɣ’ yɔhindiba bɛn zaŋ yɛŋkiŋkabina soli birigi niriba la ni zaŋ yɔhiŋgu wuhibu din be kaman pɔhim la n-chɛ ka di ʒiɛri ti laani ginda. Amaa lee tɔɣisimiyala taba yɛlimaŋli yurilim puuni, ka zooi Masia ŋun nyɛ zuɣu la ni binshɛɣukam puuni.